Keçid linkləri

2017, 27 May, şənbə, Bakı vaxtı 23:33

Azərbaycan vətəndaşının Rusiyaya qarşı iddiası təmin edilib


Məhkəmə qərar çıxarıb ki, Adil İsmayılova dəyən maddi və mənəvi zərərə görə ona 25 min avro verilməlidir
Avropa İnsan Hüquqları Məhkəməsi Azərbaycan vətəndaşı Adil İsmayılovun Rusiya hökumətinə qarşı qaldırdığı iddia üzrə qərar çıxarıb.
Qərarda Adil İsmayılovun pul vəsaitinin müsadirə olunması həddən artıq sərt və qeyri-proporsional addım hesab olunub. Qərarda bildirilir ki, iddiaçı günahını şərti cəza çəkərək yuduğuna görə, onun pul vəsaitinin müsadirə olunması İnsan Hüquqları haqqında Konvensiyaya əlavə Protokolun 1 maddəsinə - şəxsi mülkiyyətin müdafiəsi – ziddir. Məhkəmə Rusiya hökumətini Adil İsmayılova dəyən maddi və mənəvi zərərin ödənilməsi üçün 25 min avro cəzaya məhkum edib.
Moskvada yaşayan 71 yaşlı azərbaycanlı Bakıdakı mənzilinin satışından əldə etdiyi 21,348 dollar vəsaiti sərhəddən qanunsuz keçirməkdə ittiham olunub. Rusiyada keçirilən məhkəmə prosesində o ittiham üzrə günahkar bilinərək 6 ay müddətinə şərti olaraq azadlıqdan məhrum edilib və həmin vəsait müsadirə olunub. Adil İsmayılov vəsaitin müsadirə olunmasını qanunsuz sayaraq, öz iddiasını şəxsi mülkiyyətin qorunması haqqında maddə ilə əsaslandırıb.

Sənin fikrin

Şərhləri göstər

Günün bütün mövzuları

XS
SM
MD
LG