Dünya liderləri Pekin görüşündə beynəlxalq maliyyə sistemində köklü islahatlar aparmağa çağırıblar.
Avropa Komissiyasının prezidenti Xose Manuel Barozzo deyib ki, gələn ay Vaşinqton sammitində konkret və vacib qərarlar qəbul oluna bilər.
Həmçinin Fransa prezidenti Nikola Sarkozi Vaşinqton sammitindən konkret qərarlar gözlədiyini deyib:
«Hamı Vaşinqton sammitindən vacib qərar gözləyir. Hamı başa düşür ki, təkcə danışmaq yox qərar qəbul etmək lazımdır».
Pekində keçirilmiş 2 günlük görüşdə Avropadan 27, Asiyadan isə 16 ölkə iştirak edirdi.
