Müdafiə Nazirliyinin hərbi hissələrinin birinin hospitalında hərbçilər arasında baş verən zorakılıq halları ilə bağlı Hərbi Prokurorluqda cinayət işi açılıb. Bu barədə «Azadlıq» radiosuna Hərbi Prokurorluğun Mətbuat Xidmətinin rəhbəri Əfrayim Təhməzov məlumat verib:
«Fakt üzrə Cinayət Məcəlləsinin 332-ci maddəsi ilə (Tabelik münasibətlərində olmayan hərbi qulluqçular arasında qarşılıqlı münasibətlərin nizamnamə qaydalarını pozma) cinayət işi açılıb. Bir hərbçi - Famil Qəniyev həbs edilib».
Bu günlər internet saytlarında Azərbaycandakı hospitalların birindən vidieo-çarxlar yayılıb. Orada hərbçilər bir-birləri ilə zorakı davranmağa məcbur edilirdilər.