Keçid linkləri

2024, 28 Mart, Cümə axşamı, Bakı vaxtı 18:58

Nazir ümid edir ki, neftin qiyməti 80 dollardan aşağı düşməyəcək


H.Babayev: «Beynəlxalq iqtisadi böhranının Azərbaycana təsiri olmayacaq»
H.Babayev: «Beynəlxalq iqtisadi böhranının Azərbaycana təsiri olmayacaq»
«Beynəlxalq iqtisadi böhranının Azərbaycana təsiri olmayacaq. Ölkənin neft və qaz ehtiyatları və maliyyə imkanları böhranın ölkəyə keçməsinin qarşısını alacaq».

Oktyabrın 8-də İqtisadi İnkişaf naziri Heydər Babayev belə deyib.
Nazir Azərbaycanın banklarının müxtəlif növlü kreditlərin verilməsinin dayandırması məsələsinə də toxunub. O, bunu maliyyə böhranın bank sektoruna müəyyən təsiri kimi izah edib: «Ancaq bizim banklar belə şəraitdə işləməyə öyrənib. Çünki, bizim bankların heç vaxt ucuz mənbələri olmayıb və heç indi də yoxdur».

Nazir əmin olduğunu bildirib ki, gələn il ölkədə inflyasiya 12-14 faiz təşkil edəcək: «Bu İqtisadi İnkişaf Nazirliyinin proqnozlarıdır, biz bunu Milli Məclisə təqdim edəcəyik. Digər ölkələrlə müqayisədə inflyasiyanın səviyyəsi o qədər də yüksək deyil».

Hazırda dünya bazarında neftin qiyməti düşməkdə davam edir. Amma nazir ümid etdiyini bildirib ki, dünya bazarında neftin qiyməti 80 dollardan aşağı düşməyəcək.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG