Türkiyənin futbol klubu «Beşiktaş»ın baş məşqçisi Ərtuğrul Sağlam oktyabrın 7-də keçirdiyi mətbuat konfransında istefa verdiyini açıqlayıb. O, buna əsas səbəb kimi klub rəhbərliyinin UEFA Kubokunun seçmə mərhələsində Ukraynanın «Metallist» klubuna məğlubiyyətdən sonra baş məşqçilik üçün başqa mütəxəssislərlə gizli danışıqlar apardığını göstərib.
Türkiyənin «Hürriyyət» qəzetinin yazdığına görə, klubun meneceri Sinan Əngin də istefa verib. Ancaq başqan Yıldırım Dəmirörən «bir az gözlə» deyərək menecerin istefasını qəbul etməyib.