Keçid linkləri

2024, 22 Aprel, Bazar ertəsi, Bakı vaxtı 01:14

Herkel məhbus jurnalistlərlə maraqlanıb


Andres Herkelin prezidentliyə namizədlər və KİV rəhbərlərilyə də görüşü gözlənir
Andres Herkelin prezidentliyə namizədlər və KİV rəhbərlərilyə də görüşü gözlənir
Sentyabrın 16-da Avropa Şurası Parlament Assambleyasının (AŞ PA) Azərbaycan üzrə həmməruzəçisi Andres Herkel Bakıda bəzi hüquq müdafiəçiləriylə görüşüb. Söz Azadlığını Müdafiə Komitəsinin sədri Arzu Abdullayeva «Azadlıq» radiosuna deyib ki, görüşdə əsasən seçki prosesi, siyasi məhbuslar, xüsusilə də məhbus jurnalistlərin problemləri müzakirə edilib.
Xanım Abdullayevanın sözlərinə görə, onlar satirik-jurnalist Mirzə Sakitlə bağlı ətraflı danışıblar. Bir müddət əvvəl Mirzə Sakit iddia etmişdi ki, məhbəsdə ona sui-qəsd hazırlanır.
Arzu Abdullayeva deyir ki, onlar bu məsələni Andres Herkelin diqqətinə çatdırıblar.
Hüquq müdafiəçiləri həmçinin həbsdəki digər jurnalistlər Eynulla Fətullayev və Qənimət Zahidin də vəziyyəti, saxlanma şəraiti barədə məlumatları həmməruzəçiylə bölüşüblər.
Komitə sədrinin sözlərinə görə, A.Herkel səfər çərçivəsində Ədliyyə naziri Fikrət Məmmədovla görüşüb məhbus jurnalistlərin problemlərini müzakirə edəcəyinə söz verib.
AŞ PA-nın Azərbaycan üzrə həmməruzəçisi Andres Herkelin prezidentliyə namizədlər və KİV rəhbərlərilyə də görüşü gözlənir. O, həm də prezident seçkisini izləyəcək AŞ PA müşahidə missiyasının rəhbəridir.

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG