Türkiyənin xarici işlər naziri Əli Babacan deyib ki, Qarabağ məsələsini Azərbaycan, Ermənistan xarici işlər nazirləri ilə birlikdə müzakirə etmək istəyir.
Babacanın dediyinə görə, belə bir ideya prezident Abdulla Gülün Ermənistana səfəri zamanı yaranıb və Ermənistan xarici işlər naziri Edvard Nalbandyan təkliflə razılaşıb.
Azərbaycan Xarici İşlər Nazirliyi məsələyə hələ münasibətini bildirməyib.
Nazirlər Nyu-Yorkda BMT-nin iclasında görüşməlidirlər. Türkiyənin NTV kanalına müsahibəsində Əli Babacan bildirib ki, Qarabağ Türkiyənin də problemidir.