Təhsil müəssisələrində çalişan işçilərin əməkhaqları artırıldı. Bu haqda prezident İlham Əliyevin imzaladığı sərəncamda deyilir. Sənəddə bildirilir ki, dövlət büdcəsindən maliyyələşdirilən təhsil müəssisələrində (ali təhsil müəssisələri istisna olmaqla) çalışan işçilərin aylıq vəzifə (tarif) maaşları sentyabrın 1-dən orta hesabla 25 faiz artırılır.
Ölkə başçısının başqa bir sərəncamı ilə isə Milli Elmlər Akademiyasının tabeliyində olan və dövlət büdcəsindən maliyyələşdirilən digər elm və elmi tədqiqat müəssisə, idarə və təşkilatlarında çalışan işçilərin aylıq vəzifə (tarif) maaşları da sentyabrın 1-dən orta hesabla 25 faiz artırılır.