Gürcüstan prezidenti Mixail Saakaşvili hələ də Rusiya qüvvələrinin nəzarətində olan Poti limanına gözlənilməz səfər edib. Hazırda şəhərin ətrafında Rusiya ordusunun nəzarət-buraxılış məntəqələri var.
Saakaşvili şəhərdəki Rusiya əsgərlərini «işğalçı qüvvələr» adlandırıb.
Rusiya Abxaziya və Cənubi Osetiyanın müstəqilliyini tanıdıqdan sonra Tbilisi Moskva ilə bütün diplomatik əlaqələri kəsib.
Avropa Birliyinə sədrlik edən Fransa isə bu arada bəyan edib ki, Birliyin sentyabrın 1-də keçiriləcək fövqəladə iclasında Rusiyaya qarşı sanksiya məsələsinə baxılmayacaq.
