«Seçki qatarı»nın budəfəki buraxılışında Azərbaycanın regionlarında seçkiyə hazırlıq prosesindən danışdıq. «Azadlıq» radiosunun əməkdaşı Babək Bəkir Füzuli və Ağdam rayonlarında-cəbhə bölgəsində prezident seçkisi ilə bağlı müşahidələrini dinləyicilərlə bölüşdü. Onun dediyinə görə, seçkiyə hazırlığın hiss olunmadığı bu ərazilərdə ümumiyyətlə hansısa müxalifət partiyalarının nümayəndələrini də tapaq müşkül məsələdir.
Proqramda həmçinin Gəncə, Sumqayıt və cənub bölgəsində seçki hazırlıqlarına həsr edilmiş reportajlar səsləndi.
Verilişin ikinci hissəsində isə siyasi şərhçilər İlqar Məmmədov və Erkin Qədirli ilə seçki ilə bağlı son baş verən hadisələr müzakirə olundu.