Avqustun 15-də Bakı-Quba yolundakı Hacı Zeynalabdin Tağıyev qəsəbəsində yerləşən Müdafiə Nazirliyinin «N» saylı hərbi hissəsinin yaxınlığında yanğın baş verib. Yanğın təxminən saat 12:40 radələrində yanğın başlayıb.
Hadisə yerində olan «Azadlıq» radiosunun müxbiri xəbər verir ki, həmin saatlarda Sumqayıt şəhərinin üzərini qara tüstü qatı bürüyüb, havada iki heliokopter görünüb.
Müdafiə Nazirliyinin Mətbuat Xidmətinin rəhbəri Eldar Sabiroğlu «Azadlıq» radiosuna bildirib ki, yanğın hərbi hissənin yaxınlığındakı qamışlıqdan baş verib. Ərazidə çoxlu təkər şinləri yandığından tüstü qatı yaranıb. Hərbi hissədə isə heç bir yanğın olmayıb və hərbi texnikaya ziyan dəyməyib.
