Azərbaycanın Müdafiə Sənayesi Nazirliyinin «Sənayecihaz» Elm-İstehsalat Birliyinin əməkdaşları həbs olunub.
Milli Təhlükəsizlik Nazirliyi xəbər yayıb ki, əməkdaşlar Birliyin anbarından 630 kiloqram «Titan S-300» markalı xammal oğurlayıblar. Faktla bağlı Yasin Ələsgərov, Etibar Həsənquliyev, Akif Məsimov saxlanılıblar. Türkiyə vətəndaşı, Bakı şəhərində metal qəbulu məntəqəsində işləyən Bilal Hakki və fakt üzrə toplanılmış materiallar sonrakı araşdırmalar üçün Daxili İşlər Nazirliyinə (DİN) təhvil verilib.
Araşdırmalar zamanı oğurlanmış xammalın Türkiyədə satıldığı məlum olub.
DİN-inin rəsmisi Ehsan Zahidov isə «Azadlıq» radiosuna deyib ki, onlarda belə bir məlumat yoxdur.
