Keçid linkləri

Təcili xəbərlər
2019, 12 Noyabr, çərşənbə axşamı, Bakı vaxtı 00:54

Şahin Mustafayev Baş nazirin müavini oldu


Ş.Mustafayev

Bu gün, oktyabrın 22-də Prezident İlham Əliyev Şahin Mustafayevi İqtisadiyyat naziri vəzifəsindən azad edib.

Dövlət başçısının başqa bir sərəncamı ilə Ş.Mustafayev Baş nazirin müavini təyin edilib.

Şahin Mustafayev 1965-ci ildə Ermənistanda doğulub.

1989-cu ildə M.Voznesenski adına Maliyyə-İqtisad İnstitutunun Bakı filialını bitirib. 1990-1991-ci illərdə Bakı Baş Tikinti İdarəsində baş mühasib işləyib.

O, 2006-2008-ci illərdə Vergilər nazirinin birinci müavini olub.

Ş.Mustafayev 2008-ci ildən ölkə iqtisadiyyatına cavabdeh şəxs sayılır.

2008-2013-cü illərdə İqtisadi İnkişaf naziri, 2013-2016-cı illərdə isə nazirliyin adı dəyişdiyindən İqtisadiyyat və Sənaye naziri vəzifələrində çalışıb. 2016-cı ildən İqtisadiyyat naziri (nazirliyin adı yenə də dəyişib-red.) təyin edilmişdi.

Prezident İlham Əliyev dünən, oktyabrın 21-də Baş nazirin müavinləri - Hacıbala Abutalıbov və Əli Həsənovu ərizələrinə əsasən vəzifələrindən çıxarıb.

Günün bütün mövzuları

XS
SM
MD
LG