Keçid linkləri

2024, 19 Mart, çərşənbə axşamı, Bakı vaxtı 11:25

Özbəkistan milli valyutanı ‘üzən məzənnəyə’ buraxır


Özbəkistan öz milli valyutası – somu üzən məzənnəyə buraxmağa hazırlaşır.

Xəbərdə deyilir ki, Özbəkistanın Mərkəzi Bankı milli valyutanın məzənnəsini kənar faktorların müəyyən etməsini istəyir.

Özbəkistan Mərkəzi Bankı avqustun 20-də bildirib ki, “iqtisadi zərurətə görə məzənnə bundan sonrayalnız alıcılar və satıcılar arasındakı mübadiləyə əsaslanacaq”.

Özbəkistan da qonşusu Tacikistan kimi Rusiyada işləyən miqrantların vətənə göndərdikləri pullardan asılıdır.

Bu, hər iki ölkəni Rusiya rublunun kursundan asılı vəziyyətə salır.

Tacikistan avqustun 20-də milli valyutanın məzənnəsini sərbəstləşdirib.

Avqustun 20-dən başlayaraq Özbəkistanın bütün kommersiya bankları müştərilərə xarici valyutanın satışına başlayıb.

Özbəkistanın Mərkəzi Bankı bildirib ki, somun məzənnəsi qeyri-sabitdir və hökumət bu məzənnəyə kənar faktorların təsirinin yumşaldılması üçün tədbirlər görəcək.

Ekspertlərin fikrincə beləliklə, Özbəkistanın yeni prezidenti Shavkat Mirziyoev ölkə iqtisadiyyatının sərbəstlərşdirilməsi üçün növbəti addımını atmış olub.

Özbəkistanda avqustun 20-dək banklar xarici valyuta satmırdılar. Lakin onlar vətəndaşlardan xarici valyuta almaqda davam edirdilər.

Xəbər verilir ki, Mərkəzi Bankın addımı somun məzənnəsini kəskin aşağı salıb. Hazırda 1 dollar 9384 somdur. Bu, bir gün əvvəlki məzənnədən 323 som bahadır.

Ümumiyyətlə isə som avqustun 1-dən bəri ABŞ dollarına nisbətdə çəkisinin 10 faizini itirib.

Tacikistan hökuməti də avqustun 20-də milli valyuta somoninin məzənnəsini aşağı salıb.

Hazırda 1 dollar 9, 7 somonidir.

Hökumət bildirir ki, bu tədbir dolların rəsmi məzənnəsi ilə qara bazar məzənnəsi arasındakı fərqi azaltmaq üçündür.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG