Keçid linkləri

Təcili xəbərlər
2020, 21 Yanvar, çərşənbə axşamı, Bakı vaxtı 00:56

Çexiya Rusiya səfirliyinin evlərindəki əcnəbiləri ölkədən çıxarıb


Praqadakı Rusiya səfirliyi

Çexiya ölkəyə qanunsuz gəlmiş və Rusiya səfirliyinin Praqada kirayələdiyi evlərdə yaşayan 4 xaricini ölkədən çıxarıb.

Çexiya mediasının verdiyi xəbərlərdə səfirlik əməkdaşlarının qonaqların qanunsuz yerləşdirilməsinə görə cərimələndiyi deyilir.

Xaricilərin hansı ölkənin vətəndaşları olduqları bildirilmir. Məlum olan budur ki, onları dekabrın əvvəllərində saxlayıblar.

Onların Çexiyaya gəlişinə 1 ildən 4 ilədək qadağan qoyulub.

Rusiya Çexiyada hökumətlərarası razılaşma əsasında bir sıra daşınmaz mülkiyyət obyektlərini kirayə edir.

Bu razılaşmaya görə səfirlik sözü gedən evlərdə öz əməkdaşlarını yerləşdirə bilər.

Ötən yazda Çexiyanın Deník N nəşri Rusiya səfrirliyinin bu evlərin bir hissəsini üçüncü şəxslərə kirayə verdiyini yazmışdı.

Jurnalistlər kirayə üçün ev elanlarını Booking.com və başqa saytlarda aşkar etmişdilər.

Deník N Çexiyada Rusiyanın icarəsində olan 4 bina haqqında məlumat dərc etmişdi.

Söhbət ümumilikdə 150 mənzildən gedir. Bu da məlum olub ki, bu evlərdə təkcə adamlar yaşamır, həm də Rusiya və başqa keçmiş sovet vətəndaşlarının adlarına şirkətlər qeydiyyatdan keçirilir.

Günün bütün mövzuları

XS
SM
MD
LG