Yazıçı Əkrəm Əylisli barəsində açılan cinayət işinin istintaqı ilə əlaqədar sentyabrın 6-da Bakı şəhər Prokurorluğunda olub.
Bu haqda yazıçının vəkili Elçin Sadıqov məlumat verib.
Vəkilin bildirdiyinə görə, yazıçı və ona istintaqın tərkibi elan edilib.
Buna da bax: Əkrəm Əylislini prokurorluğa çağırıblar
Yazıçının cinayət işi üzrə araşdırmanı müstəntiq Asəm Səfərəliyev aparır. İstintaqa prokuror Azər Əsgərov nəzarət edəcək.
78 yaşlı yazıçı AzadlıqRadiosu-na müsahibəsində həbs ediləcəyi təqdirdə bunun ondan ötrü ölüm hökmü olduğunu bildirmişdi.
İstintaqın tərkibi ilə bağlı protokol tərtib edilib, yazıçının buna etiraz edib-etmədiyi soruşulub. Bununla bağlı protokol tərtib edilib.
Yazıçı Ə. Əylisli bu ilin martında İtaliyaya gedərkən Heydər Əliyev Beynəlxalq Hava Limanında saxlanmışdı. Rəsmi orqanlar yazıçının buraxılış məntəqəsindən keçərkən əməkdaşlarla münaqişə yaratdığından saxlandığını demişdilər. Ancaq yazıçı münaqişə yaratdığı ilə bağlı iddiaları qəti rədd etmişdi.
Sərbəst buraxılan yazıçıya sonradan xuliqanlığa görə, cinayət işi açılmış, ardınca o, hakimiyyət nümayəndəsinə qarşı zor tətbiq etməkdə ittiham olunmuşdu.
Buna da bax: F.Qoca: Demək, ortada cinayət var ki, Əkrəmi mühakimə edirlər
Yazıçıya qarşı ittihamlar təsdiqlənərsə, o, 3 ilədək azadlıqdan məhrum edilə bilər.
Əkrəm Əylisli hazırda ölkəni tərk edə bilməz, istintaq ondan başqa yerə getməmək barədə iltizam alıb.
78 yaşlı yazıçı AzadlıqRadiosu-na müsahibəsində həbs ediləcəyi təqdirdə bunun ondan ötrü ölüm hökmü olduğunu bildirmişdi.
Hələ, 2013-cü ildə yazıçının “Daş yuxular” romanı Azərbaycanda hakimiyyətə yaxın KİV-lərdə ciddi tənqidlə qarşılanmışdı. Hətta Gəncə və ölkənin bir sıra şəhərlərində yazıçının kitabları yandırılmışdı.