Suriyanın hökumət qoşunları Palmira şəhərini İslam Dövləti təşkilatı yaraqlılarından azad edib.
Bunu Suriya dövlət televiziyası martın 27-də elan edib. Britaniyada qərarlaşan İnsan Haqları üzrə Suriya Müşahidəsi təşkilatı bildirir ki, şəhərin şərq hissəsində hələ atəş səsləri eşidilir.
Palmiradan İD-nin mərkəzi olan Raqqaya gedən yol hökumət qüvvələrinin nəzarətindədir.
Palmira Roma dövründən qalma qədim şəhərdir. Onu İD qruplaşmasının yaraqlıları keçən oilin may ayında tutmuşdu. Bundan sonra şəhərin bəzi qədim abidələrini "bütpərəstlik rəmzi" hesab edən yaraqlılar dağıtdı.
