Keçid linkləri

2016, 09 Dekabr, Cümə, Bakı vaxtı 13:54

Venesiya Film Festivalının rəhbəri türkləri tərifləyir


Nuri Bilge Ceylan "Qış yuxusu" filminə görə Kann festivalında mükafat alarkən, 2014

Nuri Bilge Ceylan "Qış yuxusu" filminə görə Kann festivalında mükafat alarkən, 2014

- Dünya səviyyəsində diqqət cəlb edən filmlər

“Əgər həyatda olan 10 ən yaxşı rejissorun siyahısını tutası olsam, Nuri Bilge Ceylan mütləq o siyahıda olar.”

Qarşıdan gələn 72-ci Venesiya Film Festivalının rəhbəri Alberto Barbera 2014-cü il Kann Festivalının qalibi Nuri Bilge Ceylanı baş münsiflər heyətinə üzv təyin edib və bu münasibətlə onun haqqında xoş sözlər deyib.

“Bir zamanlar Anadoluda” filmini son 15 ilin ən gözəl filmlərindən biri kimi qiymətləndirib.

“Ceylana münsif olmağı nahar zamanı təklif etdim. Türk filminə heyranlığımı qeyd etdim. O, təklifi qəbul etdi.”

A.Barbera türk filminin yeni ulduzları haqda da yüksək rəy bildirib.

“Keçən il Kaan Müjdecinin “Sivas” filmi festivalın yarışma hissəsinin əsas filmlərindən idi. Bu il Emin Alperin gözəl, kəskin və heyrətamiz filmi əsas filmlərdəndir."

"Türk filmi son illərdə getdikcə daha maraqlı olur. İndi türk filminə yeni nəsil gəlib. Onlar dünya səviyyəsində diqqət cəlb edən filmlər yaradırlar. Venesiya kimi önəmli kino tədbirlərində göstərilməyə layiqdirlər.”

Rəsmi məlumata görə, Emin Alperin 114 dəqiqəlik “Abluka” filmi siyasi zorakılıq altında sağ qalmağa çalışan iki qardaşın hekayəsidir. Bu film Qızıl Aslan Mükafatı uğrunda Rusiyadan A.Sokurovun, İsraildən Amos Gitai’nin, Erməni-Kanada rejissoru Atom Egoyan'ın filmlərilə birlikdə yarışacaq.

Festivalın qeyri-yarış hissəsində də bir neçə türk filmi göstəriləcək.

Xəbər verdiyimiz kimi, Orxan Pamukun "Məsumiyyət Muzeyi" romanı əsasında rejissor Grant Gee'nin çəkdiyi film də 2-12 sentyabr tarixləri arasında keçiriləcək bu festivalda ilk dəfə nümayiş etdiriləcək.

Günün bütün mövzuları

XS
SM
MD
LG