Ukrayna ordusu yeni itkilər verir [Live-bloq]

AzadliqRadiosu Ukrayna xidmətinin xəbər lentindən

- Separatçılar hərbi əməliyyatlar zonasını genişləndirməyə çalışırlar. Donetskdən təqribən 60 km aralı olan Volnovaxa rayonunda Ukrayna ordusuna pusqudan hücum olub. Ukrayna Təhlükəsizlik şurasının nümayənəfəsi 8 hərbçinin həlak olduğunu, 18 əsgərin isə yaralandığını bildirir. Bu, indiyədək Ukrayna ordusunun 1 hücumda üzləşdiyi ən böyük itkidir.

- Ukrayna sərhəd qoşunları komandanlığı xəbər verir ki, mayın 22-də Luqansk vilayəti ərazsində, Ukrayna-Rusiya sərhəd keçid məntəqəsinə Ukrayna tərəfdən hücum olub. Bildirlir ki, mühasirədə olan separatçılar Rusiyaya keçmək cəhdi göstəriblər, lakin sərhədçilərin cavab atəşindən sonra geri çəkiliblər. Bu məntəqədə bir müddət əvvəl özünü Luqansk xalq repsublikasının qubernaotru elan etmiş Valeriy Bolotov saxlanmışdı. Lakin 200-ə yaxın rusiyameylli yaraqlı sərhəd məntəqəsində hücum edərək onu azad etməyə müəssər olmuşdular. Bu məntəqə Rusiyadan Ukrayna separatçılarına silah və canlı qüvvə yardımının çatdırılması üçün strateji əjəmiyyət kəsb edir, son günlər Ukrayna silahlı qüvvələri hesabına onun mühafizəsi gücləndirlimişdi.

<sub>Donetskin Volnovaxa rayonundan ağır döyüşlərdən həvəskar çəkiliş. Kadrarxası söhbətlərdə qadınlar deyir ki, daha belə yaşamaq mümkün deyil, ərazini tərk etmək istəyən yerli sakinlərin qarşısını kəsir, maşınlarını əllərindən alırlar, adamlar məcburdurlar ərazini piyada tərk etsinlər.

Ukrayna rəsmiləri bu döyüş haqda xəbər verirlər ki, Ukrayna təhlküəsizlik qüvvəlrinin rayonda qurduğu nzarət keçid məntəqəsi gözlənilmədən güclü hücuma məruz qalıb.</sub>

Luqansk separatçılarının lideri, özünü vilayətin qubernatoru elan edən Valeriy Bolotov hərbi səfərbərlik elan etdiyini bildirir.