Keçid linkləri

2016, 11 Dekabr, bazar, Bakı vaxtı 00:27
-
Avropa Birliyinin liderləri Rusiya ilə geniş əməkdaşlığa yol açacaq razılaşma və viza anlaşması ilə bağlı danışıqları təxirə salmağa qərar veriblər.

Bu, Rusiyanın Ukraynanın Krım bölgəsinə təcavüzü ilə bağlıdır.

Avropa Birliyinin prezidenti Herman Van Rompuy AB-nin Brüsseldə keçirilən fövqəladə sammitindən sonra bu barədə mətbuata açıqlama verib.

Rompuy deyib ki, Avropa Birliyi onun “Böyük Səkkizliyə”daxil olan üzvlərinin qərarını da dəstəkləyir.

Onlar “Böyük Səkkizliyin” Soçidə keçirilməsi nəzərdə tutulan növbəti toplantısında iştirakdan imtina ediblər.

Rompuy-un sözlərinə görə, əgər Moskva yaxın bir neçə gündə Kiyevlə danışıqlara başlamasa, AB başqa addımları da nəzərdən keçirəcək.

Bunlar səhmlərin dondurulması, səfər qadağaları, AB-Rusiya sammitinin ləğvi və s. ola bilər.

Rompuy onu da deyib ki, AB maydakı prezident seçkilərindən əvvəl Ukrayna ilə Assosiasiya sazişi bağlayacaq.

AB Krımın rusiyayönümlü parlamentinin Krımın statusu haqda referendum keçirmək planını da qanunsuz adlandırıb. Bunun Ukrayna Konstitusiyasına zidd olduğunu bildirib.

Şərhləri göstər

XS
SM
MD
LG