-
Oktyabrın 29-da Baqladeşin İslam Caamatı (Cemaet-e-İslami) partiyasının 71 yaşlı sədri Motiur Rahman Nizami edam cəzasına məhkum olunub. 3 hakimdən ibarət xüsusi tribunal onu 1971-ci ildə Pakistana qarşı aparılan müstəqillik savaşı dövründə 16 cinayətdə, o cümlədən genosid, kütləvi zorlamalar və qətllərdə günahkar bilib. Keçmiş nazir olan Nizami 9 aylıq müharibə zamanı Pakistan ordusuna yardım etməklə ölkədə 3 milyon insanın qətli, 200 min qadının zorlanması və 10 milyon nəfərin yer-yurdundan didərgin düşün Hindistanla sərhəddəki qaçqın düşərgələri qaçmasında əli olmasında ittiham olunurdu.
İslam camaatı partiyası hökmü qəbul etməyib və ölkədə Cümə axşamından başlayaraq 3 günlük tətilə çağırıb.
Öncəki məhkəmə prosesindən sonra ciddi toqquşmalar olduğundan polis və əsgərlər məhkəmə binasının önü və şəhərin mərkəzində nəzarəti gücləndirib. Rahman Nizami ən son 2001-2006-cı illər arasında Banqladeş hökumətində nazir postları tutub.