Cümə, İyul 25, 2014 Bakı vaxtı 01:00

Verilişlər / Kontekst

«Bu biabırçılıqdır, DİN dərhal izahat verməlidir» [VIDEO]

Daha bir gizli video yayıldıi
|| 0:00:00
X
22.10.2012
Hazırda Fransada yaşayan Elşad Abdullayevin çəkdiyi ehtimal olunan yeni videoda Araz adlı şəxsi rüşvətlə Daxili İşlər Nazirliyinə işə düzəlməkdən və Elşad Abdullayevin itkin düşmüş qardaşının harda saxlanmasından söhbət gedir.

Daha bir gizli video yayıldı

Bunu da oxu

Video Daha bir gizli video yayıldı [VIDEO]

Videodan belə nəticə çıxartmaq olar ki, Elşad Abdullayev ilə söhbət edən şəxs Daxili İşlər nazirliyinin 7-ci şöbəsinin əməkdaşıdır. Hər halda, həmin şəxs özünü belə təqdim edir.

Hadı Rəcəbli: «Bütün Azərbaycan bunu gözləyir»

Deputatın sözlərinə görə, Gülər Əhmədova hakim partiyadan çıxarılmalıdır

Gülər Əhmədova prezidentdən kömək istədi

«Bir qadın və ana olaraq, məni və ailəmi bu mənəvi və fiziki repressiyalardan qorumağınızı Sizdən rica edirəm»

Video Gülər Əhmədova adı ətrafında baş verənlər… [Video]

Hüquq müdafiəçiləri Leyla Yunus, Novella Cəfəroğlu və jurnalist Arif Əliyev bu haqda fikirlərini bölüşürlər.

Multimedia

Səs
-

Azərbaycan Beynəlxalq Universitetinin rektoru Elşad Abdullayevin iştirakı ilə çəkilən daha bir gizli video yayılıb. Rektor orda Daxili İşlər Nazirliyinin əməkdaşı olduğu iddia edilən bir nəfərlə söhbət edir. Onunla MTN zabiti, qardaşı Mahir Abdullayevin azadlığa buraxılması haqda danışır. Elşad Abdullayev 2003-cü ildə qardaşının oğurlandığını iddia edir.

Video görüntüdəki şəxs DİN-in 7-ci şöbəsinin əməkdaşı olduğunu bildirir. O, Mahir Abdullayevin Baş Mütəşəkkil Cinayətkarlığa Qarşı Mübarizə İdarəsində (BMCQMI) saxlandığını deyir. 

Həmin şəxs Mütəşəkkil Cinayətkarlığa Qarşı Mübarizə İdarəsinin iş fəaliyyətinə də toxunur: «Görürsən ki, gəlirlər, maşına basıb aparırlar, yiyəsi bir neçə gündən sonra xəbər tutur ki, adamı «bandotdel»dədir».

Nazirlik işçisi Elşad Abdullayevin Araz adlı bacısı oğlunu DİN-də işə düzəltmək üçün vasitəçilik etməsindən, bunun üçün 15-20 min manat lazım olmasından da danışır.

«ABBASQULİYEV ELŞAD ABDULLAYEVİN QILINCININ DALI DA, QABAĞI DA KƏSİLƏN VAXT İŞDƏN QOVULUB»

Oktyabrın 22-də Daxili İşlər Nazirliyindən təsdiqləyiblər ki, videodakı şəxs həqiqətən də nazirliyin 7-ci şöbə adlanan xüsusi idarəsində işləyib. O, Rövşən Abbasquliyevdir. Məlumatda o da bildirilir ki, işdə yol verdiyi ciddi nöqsanlara görə, artıq 4 ildir işdən qovulub.

Ehsan ZahidovEhsan Zahidov
x
Ehsan Zahidov
Ehsan Zahidov
Nazirliyin mətbuat xidmətinin əməkdaşı Ehsan Zahidov AzadlıqRadiosuna Rövşən Abbasquliyevin konkret hansı «ciddi nöqsan»a görə işdən çıxarıldığını demədi. Üstəlik də videogörüntüdə səslənən fikirlərə görə, ayrıca araşdırma aparılacağını da söyləmədi:
«Bütün bunlar Elşad Abdullayevin qardaşının itməsi ilə bağlı məsələlərdir. Bizim hörmətli baş prokuror da bu günlərdə mətbuata dedi ki, Elşad Abdullayevin qardaşı ilə bağlı cinayət işi açılıb, hərtərəfli istintaq aparılır. Elşad Abdullayevin dedikləri, videogörüntülərin hamısı istintaqda var. İstintaq da hərtərəfli araşdırma aparıb qiymətini verəcək. Abbasquliyev adlı əməkdaş isə, loru dildə desək, Elşad Abdullayevin qılıncının dalı da, qabağı da kəsəndə, ABU-da rektor olanda, 5 il qabaq nazirin əmri ilə işdən uzaqlaşdırılıb».

«POLİS İŞDƏN UZAQLAŞDIRILIRSA, MÜSBƏT İŞİNƏ GÖRƏ OLMUR»

«Rövşən Abbasquliyev konkret hansı əməlinə görə işdən uzaqlaşdırılıb?» sualına dəqiq cavab ala bilmədik. Ehsan Zahidov sadəcə bunu dedi: «Polis DİN-dən kənarlaşdırılırsa, müsbət işinə görə olmur». Ehsan Zahidova görə, videoda nazirliyin işi haqqında səslənən fikirlər nə nazirliyin, nə də nazir Ramil Usubovun işinə kölgə salır. «Bu, 5 il öncə daxili orqanlardan azad olunmuş bir adamın videogörüntüsüdür vəssalam», deyə söhbətə yekun vurdu Ehsan Zahidov.  

Rövşən Abbasquliyevlə bağlı Respublika Prokurorluğu ayrıca təhqiqat apara bilərmi? Respublika Prokurorluğu mətbuat xidmətinin rəhbəri Eldar Sultanov deyir ki, Rövşən Abbasquliyevlə bağlı suallara, onun işindəki nöqsanların araşdırılması məsələsinə ancaq və ancaq DİN cavab verə bilər.

«BU, BİABIRÇILIQDIR...»

Əyyub KərimovƏyyub Kərimov
x
Əyyub Kərimov
Əyyub Kərimov
«Bu, biabırçılıqdır və dərhal nazirlik baş verənlərə izahat verməlidir». «Femida 007» qəzetinin redaktoru və hüquqşünas Əyyub Kərimov belə deyir.

Əyyub Kərimovun dediyinə görə, DİN-dəki 7-ci şöbə birbaşa nazirə tabedir. «Bu, bəlkə də nazirə tabe olan yeganə idarədir. Belə bir idarənin əməkdaşı bu cür faktlar söyləyirsə, bu, biabırçılıqdır» deyir qəzet redaktoru.

Əyyub Kərimova görə, Rövşən Abbasquliyevin nazirliyin işi ilə bağlı söylədiyi fikirlər adi məsələ deyil və bu mütləq araşdırılmalıdır:

«Əyyub Kərimov nazirliklə bağlı müsahibə verir və bənzətmə aparır. Buna görə az qala DİN Əyyub Kərimovu həbs etdirsin. Amma özlərinin əməkdaşı danışır, o isə sadəcə yol verdiyi nöqsana görə işdən çıxarılmaqla canını qurtarır? Hanı məsuliyyət? Bu, biabırçılıqdır. Şəxsən nazir aydınlıq gətirməlidir buna. Bu, nazirliyin ifşa olunmasıdır. Onda ictimaiyyətə açıqlama versinlər ki, həmin əməkdaşın yol verdiyi ciddi nöqsanlar nədən ibarətdir? Bu, cinayət məsuliyyəti yaradır, yaratmır? İkincisi, sabiq polis işçisi olsa belə məsuliyyətə cəlb olunmalıdır. Nəyə əsaslanıb belə danışıb? Bir qəzet, bir jurnalist, hüquqşünas bir fikir deyən kimi şəxsən nazir məhkəmə qapılarından əl çəkmir. İndi nə oldu?».
 
RAFAEL CƏBRAYILOV: «DÜŞÜNMÜRƏM Kİ, KİMƏSƏ HÖRMƏT EDƏCƏKLƏR»
 
Deputat Rafael Cəbrayılovun sözlərinə görə, həm Elşad Abdullayev, həm Gülər Əhmədova, həm də Rövşən Abbasquliyevlə bağlı istintaqın ədalətli aparılacağına dair heç kimdə şübhə olmamalıdır:
 
«Mən köhnə bir istintaqçı kimi deyirəm ki, ekspertiza göstərsə ki, montaj yoxdur, qanunun bütün ciddiliyi ilə ölçü götürüləcək. Düşünmürəm ki, kiməsə hörmət edəcəklər».
 
Gülər Əhmədova və Elşad AbdullayevGülər Əhmədova və Elşad Abdullayev
x
Gülər Əhmədova və Elşad Abdullayev
Gülər Əhmədova və Elşad Abdullayev
Hazırda Fransada mühacirətdə yaşayan Elşad Abdullayev bir müddət əvvəl keçmiş millət vəkili Gülər Əhmədova ilə bağlı video yaymışdı. Videoda Gülər Əhmədovanın rektordan deputat seçilməsi və qardaşı Mahir Abdullayevin azad olunması üçün pul  istəməsi haqda söhbət gedir. Həmin videoya görə Bakı şəhər prokurorluğunda dələduzluğa görə cinayət işi açılıb, Gülər Əhmədova isə deputatlıqdan istefa verib.
 
Respublika Prokurorluğundan Eldar Sultanov deyir ki, prokurorluq vaxtaşırı həmin istintaqla bağlı açıqlama verəcək.
 
Yeri gəlmişkən qeyd edək ki, oxşar hadisə bir neçə il əvvəl Amerikada da yaşanıb. Ancaq həmin hadisənin sonu çox sərt cəza ilə bitib. 2003-2009-cu illərdə İllinois ştatının qubernatoru olmuş Amerikanın keçmiş siyasətçisi Rod Blagojevich senator yerini yarım milyon- bir milyon dollar civarında rüşvətə satmaq istədiyinə görə 2011-ci ildə 14 il həbs cəzası alıb.
Bu forum dayandırılıb
Şərhləri sırala
Səhifə (2)
    Növbəti 
Kimdən: Elli Haradan: Rusiya
01.11.2012 19:01
"Umummilli" eliyevin rusvet ustunde qurdugu hakimiyyet artiq behresini vermeye bshlayib.Bu biabciliqlari xalqimiz coxdan bilir amma avropa birliyine subut etmek ucun elimizde yeterli material yox idi.Bu gun ise iqtidarin bu biabirciligini gizletmek hec bir imkani yoxdur.Sadece olaraq deyirler ki,"xeyr o biz deyilik,bize bohtan atirlar".Ne qeder gulmelisiniz....

Kimdən: azerbaycanli Haradan: evden
26.10.2012 01:40
El bilirki sen menimsen,
Yurdum yuvam mesgenimsen
Indi bildim ... .....sen,
Azerbaycan Azerbaycan!

Kimdən: Teleqrafist
24.10.2012 20:12
Dunyaya,lap beyenmediyimiz en geride qalmish Afrika olkeleri;Mesajmizi xahish edirik qebul edesiniz SOS Azerbaycan.

Kimdən: Shahin Haradan: Bakı
24.10.2012 13:14
George Orwell`in "1984" əsərində elə bil günümüz Azərbaycanı təsvir olunur. Hamı hər şeyi başa düşür, bilir ancaq yenə də təəcüblənir.

Kimdən: uzag sahillreden
24.10.2012 04:11
øldum gulmekden...:)))
bu da polis zabiti..bu igtidar ne gunde di...:)))

Kimdən: Xalq Haradan: Azerbaycan
24.10.2012 01:55
Hormetli redaksiya, Ramiz Mextiyevin AVROPA-SEFERI "BEHRE" vermeye bashlandi? Elshad Abdullayeva qarshi "START" REJIM terefindan verildi! Xalqi yayindirmaq uchun Heyder Aliyevin KQB metodlari ishlemeye bashladi? Bir az temkilli olaq gorek, bu rejimin daha hansi "SHOULARA" bashlayacaq!

Kimdən: Ilqar Haradan: BAK
23.10.2012 11:16
Görəsən R. Abbasquliyevdən nəqədər pul istəyiblərki O çıxmağa üstünlük verib. Yoxsa yüxarı vəzifəyə keçmək pulsuzdur...xəbərimiz yoxdur... Vay lap burda yaşamağım gəldi. Deyəsən Ehsan Zahidov polisə girəndə bir qəpiydə xərcləməyib heç rütbəyədə pul verməyib. Mən qorxuram R. Usubov çıxıb AZ TV-də elan verə ki, "EY mənim xalqım polisə girmək pulsuzdur ta aşağı vəzifədən nazir vəzifəsinə qədər"))))))))

Kimdən: bummer003 Haradan: Bakidan
23.10.2012 09:56
Çox təəssüf ki, Mütəşəkkil Cinayətkarlığa Qarşı Mübarizə İdarəsinin çirkin əməlləri bu gun də davam edir! Bu günlərdə psixotrop dərman vasitələri satan bir nəfəri yaxalayıblar, iki aptekə dərman satdığı halda işgəncə verərək qırx aptekin adını ona yazdırıblar! Qalan 38 aptekə də şər ataraq hərəsindən 15 000 AZN pul alıblar!
Cavab

Kimdən: Moderator
23.10.2012 10:33
Əgər şikayət edən adam varsa, koordinatlarını bizə yollayın, bu işi araşdıraq...

Kimdən: zek
23.10.2012 02:29
Kash Gulikede 14 il ziplayardilar. Beh-behle teriflediyi hokumetin terifli tyurgalarina bash vurub gorerdi!

Kimdən: Ibrahim Haradan: Mingecevir
23.10.2012 01:47
Azerbaycanin D.I.N. 99% iwcileri iwlerin den derhal azad edilmeli di.HEDSIZLER
Səhifə (2)
    Növbəti