Keçid linkləri

2016, 10 Dekabr, şənbə, Bakı vaxtı 03:12

Azərbaycan Milli Məclisinin oktyabrın 28-də keçirilən iclasında deputat Qüdrət Həsənquliyev İranla viza rejiminə baxmağı təklif edib.

APA-nın xəbərinə görə, deputat bildirib ki, İranda 30 milyondan artıq azərbaycanlı yaşayır. Buna görə Azərbaycan İranla viza məsələsinə baxmalıdır.

Q.Həsənquliyev qeyd edib ki, Azərbaycan hökuməti Türkiyə ilə də viza rejimini ləğv etməlidir: «Bəzi Türkiyə saytlarında Azərbaycana qarşı təxribatçı yazılar gedir. Bu gün mən bir yazı oxudum ki, Türkiyədə müəyyən adamlar bizə rişxənd edirlər. Onlar bizim Türkiyə ilə dostluq və qardaşlığımız haqqında dediklərimizə ironiya ilə yanaşıb, hələ də viza rejimini qaldırmamağımızı xatırladırlar. Ona görə də mən Türkiyə və İranla viza rejiminin qaldırılması üçün hökuməti müvafiq addımlar atmağa çağırıram. Bu, həm də kimlərə xidmət etdiyi bəlli olmayan media orqanlarının bizə qarşı təbliğatına son qoyardı».

Azərbaycan vətəndaşları Türkiyə və İrana gedəndə isə viza almırlar.

Günün bütün mövzuları

Şərhləri göstər

XS
SM
MD
LG