Keçid linkləri

2016, 09 Dekabr, Cümə, Bakı vaxtı 04:23

“2017-ci ildə “Azəri-Çıraq-Günəşli” (AÇG) yatağından neft hasilatının həcmi həllə müəyyən olunmayıb”.

“Turan” İnformasiya Agentliyinin xəbərinə görə, sentyabrın 9-da jurnalistlərə açıqlamasında BP Azərbaycanın prezidenti Qordon Birrell belə deyib.

Buna da bax:​ Azəri-Çıraq-Günəşlinin gəliri kəskin azalır

Prezidentin sözlərinə görə, konsorsiumun əsas vəzifəsi hazırkı həcmin qorunmasıdır.

“2017-ci ildə AÇG-dən neft hasilatı həcmi həllə müəyyən olunmayıb. Bu məsələ üzrə Azərbaycan hökuməti ilə müzakirələr aparılır”, - deyə o qeyd edib.

Prezidentin bildirməsinə görə, 2016-2017-ci illərdə neftin qiymətlərinin qalxması gözlənilmir. Şirkət çalışır ki, “indiki qiymətlərdə də hasilat effektli olsun”.

ВР 2016-cı ilin birinci yarısında AÇG-dən sutkada 655 min barrel neft çıxarıb. Ötən ilin eyni dövründə hasilat 641 min barrel olub.

Buna da bax:​ Neftin qiyməti çox da qalxan deyil

Bu ilin dekabrına hasilatın sutkada 640-635 min barrelə düşəcəyi proqnozlaşdırılır.

AÇG bloku üzrə saziş 1994-cü il sentyabrın 20-də imzalanıb. Layihəyə qatılanlar bunlardır: BP (35.78%), Chevron – 11.27%, ExxonMobil (8.0006%), ONGC Videsh Limited (2.72%), Inpex (10.96%), Itochu (4.3%), SOCAR (11.65%), Statoil (8.56%), TPAO (6.75%).

Günün bütün mövzuları

XS
SM
MD
LG