Keçid linkləri

2016, 07 Dekabr, çərşənbə, Bakı vaxtı 20:26

-

Müxtəlif şeirlərindən bahar misraları

mən dörd ünsürə səcdə edirəm

və ürəyimin qanunlarını

korların yerəl hökmləri düzənləmir

***

quş dedi: “oooh! Necə də gözəl qoxu, necə də gözəl günəş!

bahar gəlib

və mən öz yarımı tapmağa çıxacağam”

quş eyvandan uçdu

bir xəbər kimi uçdu

quş kiçikdi

quş düşünmürdü

quş qəzet oxumurdu

quşun borcu yoxdu

insanları tanımırdı quş

quş havada

və qırmızı təhlükə işıqlarının üstündə

və xəbərsizcə yüksəklərdə uçurdu

və mavi anları

dadırdı çılğınca

quş, ah sadəcə bir quşdu

***

Nədir səssizlik, nədir, ey sevgilim?

nədir səssizlik söylənməyən sözlərdən başqa?

Susuram mən, amma dili sərçələrin

Təbiət şənliyində axan cümlələrin həyat dilildir

Sərçələrin dili yəni: bahar, yarpaq, bahar

Sərçələrin dili: meh, rayehə, meh,

fabriklərdə ölür indi sərçələrin dili

***

Bağda əkəcəyəm əllərimi

Çiçəklənəcəyəm,

bilirəm, bilirəm, bilirəm

ağappaq yumurtalar qoyacaqlar

qaranquşlar

Ovuclarımın mürəkkəb ləkəli

çuxurlarına

Günün bütün mövzuları

Şərhləri göstər

XS
SM
MD
LG