-
Müxtəlif xalqların gündəlik nitqinə keçmiş, müəllifi unudulmuş bu cümlələr Lev Tolstoyun əsərlərindən gəlir.
- Hakimiyyət öz gücünü xalqın savadsızlığından alır, özü də bunu bilir, odur ki, həmişə maarifçiliklə mübarizə aparacaq.
- Hamı insanlığı dəyişdirmək haqqında düşünür, heç kəs özünü dəyişdirmək haqda düşünmür.
- Yaxşı şeylər gözləməyi bacaran adama gəlir.
- Güclü insanlar həmişə sadə olurlar.
- Qoy hər kəs öz qapısının ağzını süpürsün. Onda bütün küçə təmiz olar.
- Hamıya elə gəlir ki, bizi yaxşı olduğumuzdan sevirlər. Heç ağlımıza gəlmir ki, bizi yaxşı olduqlarına görə sevirlər.
- Sevgisiz yaşamaq daha asan olardı. Amma nə mənası olardı o həyatın?!
- Məndə sevdiyim hər şey yoxdur. Amma əlimdə olan hər şeyi sevirəm.
- Dünya əziyyət çəkən insanların hesabına fırlanır.
- Ən böyük həqiqətlər – ən sadə şeylərdir.
- Məsələ çox bilməkdə deyil, lazım olanı bilməkdədir.
- İnsanlar adətən öz vicdanlarının təmizliyilə qürrələnirlər, çünki yaddaşları zəifdir.
- Elə bir yaramaz yoxdur ki, axtarsa, hansısa baxımdan, özündən daha yaramazını tapmasın. Buna görə özlərindən razı olurlar.
- Şər içimizdədir, yəni çıxarılması mümkün olan yerdə.
- İnsan həmişə xoşbəxt olmalıdır, xoşbəxtlik yoxdursa, harada səhv etdiyini yoxla.
- Hamı plan qurur, sabaha çıxıb-çıxmayacağını bimədən.
- Elə şərait yoxdur ki, insan alışa bilməsin, bütün ətrafdakıların o şəraitdə yaşadığını bilən adam üçünsə alışmaq daha asandır.
- Ən heyrətamiz yanılmalardan biri budur: insan xoşbəxtliyinin heç nə etmədən oturmaq olduğunu düşünürlər.
- Bütün xoşbəxt ailələr bir-birinə oxşayır, bədbəxt ailələrinsə hərəsi bir cür bədbəxtdir.
