Keçid linkləri

2016, 11 Dekabr, bazar, Bakı vaxtı 08:16

Ölənin dostu: «Polisdə üstümüzü axtardılar. Heç nə çıxmadı»


Mingəçevir 22 avqust

Mingəçevir 22 avqust

Avqustun 20-də Mingəçevir şəhər Polis Şöbəsində ölüm hadisəsi olub. Hadisədən sonra Bəhruz Hacıyevin qohumları ilə yerli polis arasında qarşıdurma yaranıb.

21:09 1.9.2015

«Mingəçevir işi»nə görə jurnalist dindirildi

Meydan TV-nin əməkdaşı Sevinc Vaqifqızı Mingəçevirdə baş verən hadisələrə görə istintaqa çağırılıb. 3 saat dindirilən jurnalistdən Meydan TV-dəki fəaliyyəti barədə də soruşublar.​

20:08 25.8.2015

“Bizi şöbəyə aparan kimi üstümüzü axtardılar, heç nə çıxmadı”

Bunu AzadlıqRadiosuna müsahibəsində avqustun 20-də Mingəçevir şəhər Polis Şöbəsində intihar etdiyi iddia olunan Bəhruz Hacıyevlə birlikdə saxlanan dostu Aqil Əzizov deyib

19:44 25.8.2015

Bəhruzun meyitində elektroşok izləri olub?

AzadlıqRadiosu Mingəçevirdəki hadisələri araşdırmağa davam edir.

Avqustun 22-də 27 yaşlı Bəhruz Hacıyevin ölümü ilə bağlı etiraz aksiyasından sonra, bu gün - avqustun 24-də Mingəçevir şəhərində sakitlikdir,həyat əvvəlki axarı ilə davam edir. Arabir parklarda və ictimai yerlərdə xüsusi təyinatlı polis nəfərləri gözə dəyir.

Daha ətraflı burdan oxuya bilərsiz...

17:41 23.8.2015

10 nəfərin işi prokurorluğa verilib

“Avqustun 22-də Mingəçevirdə Bəhruz Hacıyevin ölümünə etiraz olaraq keçirilən aksiyada saxlanan 21 nəfərdən 11-i elə həmin gün cərimələnərək azadlığa buraxılıb, 10 nəfərin işi araşdırılmaq üçün prokurorluğa verilib”.

Bu barədə AzadlıqRadiosuna Mingəçevir şəhər Polis Şöbəsinin rəisi polkovnik Ələsgər Bədəlov məlumat verib.

Ələsgər Bədəlov onu da bildirib ki, qarşıdurma zamanı Mingəçevirdən olan 10 polis əməkdaşı xəsarət alıb, bir xidməti maşın sıradan çıxarılıb. Şöbə rəisi iddia edir ki, Bəhruz Hacıyevin ailə üzvləri və qohumlarını bir neçə dəfə qəbul edib, istəklərini nəzərə alıblar:

“2 gün ərzində 7 dəfə ailə üvzlərini qəbul etmişik. Tələblərindən biri o olub ki, yerli ekspert Bakıdan gəlsin. Biz də dəvət etdik. Başqa nə dedilərsə, dedim, baş üstə. Meyidin müayinəsində qohumları iştirak edib. Bəhruz Hacıyevin şöbəyə gətirilməsi ilə onun özünü aşağı atması arasında 10 dəqiqə vaxt olub, bu müddət ərzində onu necə döymək olardı. Mən də tərəfdarıyam ki, bu işdə günahı olan hər kəs cəzalandırılsın. Rəhmətliyin narkoman yoldaşları istəyirdilər ki, şou yaratsınlar, meyidi götürüb şəhərdə gəzdirsinlər, polisin binası qarşısına gətirsinlər.Dövlətin heç bir qanununda elə bir şey yoxdur. Meyiddən şou düzəltmək olmaz”.

Polis rəisi qarşıdurma zamanı sakinlərin polisi daş-qalaq etdiyini, prokurorluğun Rəşadət adlı müstəntiqinin morqda meyidi müayinə edərkən döyüldüyünü bildirib. Hakimiyyət nümayəndəsinə xəsarət yetirməklə bağlı da cinayət işi başlanıb.

Ələsgər Bədəlov ona bu olayla bağlı şiddətli töhmət verilməsinə də münasibət bildirib:

“Mən işdən azad olunmağımı gözləyirdim, nazirə təşəkkürümə bildirirəm ki, humanistlik göstərib”.

Saxlananlardan Aqil Nəsibovun ailə üzvünün AzadlıqRadiosuna verdiyi məlumata görə, onun məhkəməsi artıq baş tutub, 12 sutka həbs cəzası alıb. Hazırda bir neçə nəfərin məhkəməsinin keçirildiyi bildirilir.

Davamı

Şərhləri göstər

XS
SM
MD
LG