Keçid linkləri

2016, 05 Dekabr, Bazar ertəsi, Bakı vaxtı 02:20

-

Amin Mehdi

Şeirlər

Neçə il keçib varlığını itirməyimdən?

bilmirəm,

amma xoşbəxtəm.

Yoxluğunla evlənmişik

sən gedəndən

Bir çox şeyi dəyişmişik

gecələr bir yatırıq

səhərlər də bir dururuq

bir içirik,

bir yeyirik dərdi-səri

hətta bir yuyunub

bir gəzirik şəhəri.

Gecələr

yarıyuxulu sevişirik yoxluğunla.

Dünən öyrəndim ata olacam

artıq bir ailəm də var

Özümə də uyğun

bir iş tapmışam.

Ucuz şeirlər yazacam.

Çox utanıram.

Yoxluğun əlimdən tutub

Heç vaxt getməyəcəm - dedi.

Həkim də arxadan səsləndi:

“Qəm topu kimi

Bir kədəriniz də oldu”

Amma mən hələ də

varlığını şeirləyirəm.

Xəyanət edirəm yoxluğuna

Gör nə nankor adamam!

Üstəlik

Neçə kədərli atayam!

***


Tütün qoxan qadınlardan

barıt qoxan kişilərdən

qan qoxusuna məhkum olan

körpələrin qırıntılarını gizlətməyin.

Bəlkə mərhəmətlənər ürəkləri

Bəlkə rəhmət oxuyub özlərinə

iş işdən keçməmiş

gələrlər özlərinə.

Ataların varlığında nəvazişə

Anaların varlığında səadətə yatıb qalan

Boz küçədən tozlu ürək tapıram hər gün.

İçində yetim yazısı böyük hərflə həkk olubdu.

Yetim olmaq mövcudluqdan yarım qalmaq

ya da varlıqlardan kasad olmaqdan çox

bir küçədə səadətə yatıb qalmaqdan

və hekayəsi yarım qalmaqdan ibarətdi.

Ən əsası da körpələrin qırıntılarını gizlətməsi

və böyüdükcə körpəliyin ölməsidir…yetim qalmaq.

Günün bütün mövzuları

XS
SM
MD
LG