Keçid linkləri

2016, 05 Dekabr, Bazar ertəsi, Bakı vaxtı 02:27

-

Rusca yazılmış ən yaxşı romana görə

9 iyulda Moskvada “Rus Bukeri” mükafatının 2015-ci il qaliblərinin uzun siyahısı açıqlanıb.

Oxu zalı xəbər verir ki, ölkəsindən asılı olmayaraq, rus dilində yazılan ən yaxşı romana verilən bu mükafatın builki uzun siyahısına 24 roman düşüb.

Onların arasında Vasiliy Golovanovun “Xəzər kitabı”, Tatyana Moskvinanın “Sovet qızının həyatı”, Mariya Rıbakovanın “İnsan qaralaması”, Vladimir Şpakovun “Balinaların nəğməsi”, Gözəl Yaxinanın “Züleyxa gözlərini açır” romanları var.

“Münsiflər heyəti ən müxtəlif ədəbi ənənələr və mövqelərin geniş spektri ilə qarşılaşıb.

Qısa siyahıya düşmək uğrunda müasir ədəbiyyatın fantastika və realizm, belletristika və etiraf kimi böyük istiqamətləri yarışacaq”, - münsif yazıçı Andrey Volos deyib.

Altı finalçıdan ibarət qısa siyahı 9 oktyabrda məlum olacaq, qalibin adı isə 3 dekabrda açıqlanacaq.

“Rus Bukeri” mükafatı 1992-ci ildə yaradılıb. Keçən il bu mükafatı “Misirə qayıdış” romanıyla Vladimir Şarov almışdı.

Günün bütün mövzuları

XS
SM
MD
LG