Keçid linkləri

logo-print
2016, 06 Dekabr, çərşənbə axşamı, Bakı vaxtı 00:41

-

Həbsdə olan hüquq müdafiəçisi Leyla Yunus növbəti məktub göndərib. AzadlıqRadiosu contact.az-a istinadla məktubu dərc edir:

«Çoxdandır sənə yazmıram, məni elə sıx əhatəyə alıblar ki, sözlərim onları güllədən də betər qorxudur.

Görürsən, ikimizin də həbs müddətini avqusta qədər uzatdılar.

Mən artıq dəqiq bilirəm, onların planlarını başa düşürəm. Bizi məhkəməyə qədər, 2015-ci ilin sonuna qədər həbsdə saxlayacaqlar. Sonra irəli sürülən bütün maddələri nəzərə alıb 10 ildən 15 ilədək həbs cəzası verəcəklər.

Mən öz təcrübəmdən çox aydın başa düşürəm...

Qorxuludur? Qorxuludur. Çox qorxuludur ki, biz artıq bir yerdə olmayacağıq – sən, mən və Dinara.

Məni kim dəstəkləyir? Bir tərəfdən V.Shalamov, digər tərəfdən A.Solzhenitsyn.

Bilirəm ki, səndə əmr nömrə 227-dir və Chuikov yanındadır.

Bizə məlum 58-6-cı maddəni (casusluq) irəli sürüblər, stalinçilik ruhunu tam dirçəldərək.

Bəli, Shalamov 18 il həbsdə qaldı, Solzhenitsyn 8. Ancaq onlar gənc idilər. Solzhenitsyn həbs ediləndə 27 yaşı vardı, bizim 60.

Nəhayət, Perikl Olimpiadanın həbsxanada keçirilməsinin rüsvayçılıq olduğunu anladı. Oyunu oynadılar, lakin Periklin ruhu Olimpiya termininin istifadəsinin əleyhinədir...

«Beynəlxalq Amnistiya» bizim dərhal azadlığa buraxılmağımız tələbi ilə 50 min imza toplayıb.

Dinara bu informasiyanı Hollandiya TV-nin Birinci Kanalına ötürüb. Yeri gəlmişkən, o, Avropa KİV və TV-də çıxış edir. Onu küçədə görənlər tanımağa başlayıblar, yaxınlaşıb bizim ailəmizə heyran olduqlarını bildirirlər.

Fevralın 23-də Dinara Hollandiyada Sülh və Demokratiya İnstitutunu qeydiyyatdan keçirib.

İndi Yunusların rəhbərliyi ilə bizim SDİ dünyanın aparıcı hüquq-müdafiə təşkilatları ilə tərəfdaşlıq şəraitində işini davam etdirəcək.

Arif, mənim əzizim. 37 il bir yerdə olduq. Sənsiz çox çətindir. Lakin biz artıq tarixə düşdük».

Sülh və Demokratiya İnstitutunun rəhbəri Leyla Yunus və həyat yoldaşı Arif Yunus «xalq diplomatiyası» adı altında Ermənistanın qeyri-hökumət təşkilatları ilə birgə Azərbaycanın zərərinə olan işbirliyində, jurnalist Rauf Mirqədirovun Ermənistana səfərlərini təşkil etməkdə, dövlətə xəyanətdə və daha bir neçə məsələdə ittiham olunur.

Hər ikisi ittihamları siyasi sifariş sayır.

Şərhləri göstər

XS
SM
MD
LG