-
Yaraqlı şəxs Paris ətrafında 2 nəfəri girov götürb.
Bu haqda məlumat yayan France-Presse və RTL radiosu xəbər verir ki, hadisə yanvarın 16-da Paris yaxınlığında Kolombes şəhərinin poçt ofisində baş verib.
Həmin şəxsin avtomat Kalaşnikov, tapança və qumbaralarla silahlandığı bildirilir.
Polis yaraqlı ilə əlaqəyə girdiyini və hələlik onun elə bir tələb irəli sürmədiyini deyir.
Xəbər verilir ki, Kolombes üzərində vertolyot fırlanır.
Polis hələlik insidentin ötən həftə Parisdəki terror aktları ilə bağlılığına dəlil olmadığını deyir.
Reuters xəbər verir ki, xüsusi təyinatlı dəstə girov götürən şəxsi həb edib. Onun könüllü olaraq təhlükəsizlik qüvvələrinə təslim olduğu bildirilir.
