Keçid linkləri

2016, 09 Dekabr, Cümə, Bakı vaxtı 02:39

Fransada terror hücumlarının xronologiyası

Fransada satirik jurnala silahlı basqın edən terrorçuların intensiv axtarışından sonra 2 yerdə növbəti qanlı qarşıdurma baş verdi. Girov götürən terrorçular öldürüldülər


Yanvarın 7-də Fransada satirik jurnala silahlı basqın edən terrorçuların 12 nəfəri qətlə yetirəndən sonra aradan çıxdılar. Hadisədən 2 gün sonra təhlükəsizlik qüvvələri Parisin şimal-şərqində və mərkəzdən cənubi-şərqə dinc insanları girov götürən şübhəliləri alıb. Danışıqlar nəticəsiz qalandan sonra hər 2 yerdə hücuma kecən polis 3 şübhəli şəxsi öldürüdü. Atışma zamanı 4 girov götürülmüş şəxs də həlak olub.

Yanvarın 11-də Parisdə keçirilən "Birlik yürüşündə" yüz minlərlə adam iştirak edib. Yürüşdə Fransa, Böyük Britaniya, İtaliya, Almaniya, Türkiyə, Ukrayna və digər ölkələrin dövlət və hökumət başcıları iştirak edib.

AzadlıqRadiosu Fransadakı dramatik hadisələri izləyərək canlı bloqu daim son xəbərlərlə yeniləyib. Hadisələrin gedişini xronoloji ardıcıllıqla yerləşdirilən postlardan izləmək olar, ən yeni xəbərlər bloqun əvvəlində yerləşdirilir. Mətndən aşağıda göy rəngli "davamı" düyməsini basmaqla bloqu vərəqləmək, əvvəlki postlarla da tanış olmaq mümkündür

19:47 12.1.2015

Terrora münasibətin tvitter mənzərəsi

"Charlie Hebdo" jurnalına olan hücumdan sonra Twitter-də "Je suis Charlie" - Mən də Carlie-yəm haştaqı yaradıldı və qısa müddətdə sosial şəbəkənin ən populyar haştaqına çevirildi. Reuters agentliyinin yaydığı infoqrafikada haştaqın dünyada yayılması dinamikasını vuzal olaraq müşahidə etmək olar. İnfoqrafikdə Azərbaycanın da tvitter trendinə qoşulma intensivliyini izləmək olar. Avropada qədər "parlaq" olmayan bu intensivliyi istər Azərbaycanda tvitterin o qədər də populyar olmaması, istərsə də baş verən terrora Azərbaycan istifadəçilərinin Avropadan fərqli yanaşması ilə izah etmək olar.

16:48 11.1.2015

Avropa liderləri sükut yürüşündə

Yanvarın 11-də Parisdə keçirilən Birlik yürüşündə 2,5 milyon adamın iştirak etdiyi bildirilir. Yürüş-mitinqin Fransa tarixinin ən izdihamlı kütləvi toplantısı olduğu deyilir. Yürüşə Almaniya, Böyük Britaniya, İtaliya, Türkiyə, Ukrayna və sair dövlətlərin rəhbərləri də qoşularaq radikal islamçıların Şarl Hebdo satirik jurnalına hücumunu pisləyiblər.

Bu mərasimə Ərəb Liqasının rəhbərləri, Afrikanın müsəlman liderləri və Türkiyənin baş naziri Ahmet Davutoğlunun da qatılacağı gözlənilir.

Ötən gün ərzində Fransa paytaxtı güclü polis və təhlükəsizlik nəzarətində olub. Fransanın Daxili İşlər Nazirliyi bildirir ki ötən gecə bütün ölkə boyunca keçirilən yuxusuz yadetmə mərasimlərinə 700 min insan qatılıb.

16:47 11.1.2015

Terror şübhəlisi olan qadın Türkiyədən Suriyaya keçibmi?

Paris terroruna görə axtarılan Hayat Boumeddiene bir müddətdir ki, Türkiyədədir. Bu haqda polisdəki mənbələrinə istinadən Frans-press xəbər verir.

Hayat Boumeddiene Fransadakı hadisələr zamanı adı şübhəlilər arasında ən çox hallandıran 4 nəfərdən biridir. Digər 3 nəfərin girov götürdükdən sonra polis tərəfindən öldürüldüyü halda, Hayat Boumeddiene-nin hadisələrə aidiyyatı hələ də qaranlıq olaraq qalır.

22:41 9.1.2015

Davamı

Günün bütün mövzuları

XS
SM
MD
LG