-
Dahi Avstriya bəstəkarı Wolfgang Amadeus Mozart-ın yeni tapılan əsəri onun öz ev-muzeyində - öz fortepianosunda ifa edildi.
Əsər bir müddət əvvəl Tirol şəhərində dünyasını dəyişmiş qoca kilsə musiqçisinin arxivindən tapılıb.
Arxivi tədqiq edən Tirol Musiqi Araşdırmaları İnstitutunun alimi Hildegard Herrmann-Schneide üzərində "1780-ci il" qeydi olan əllə yazılmış kitab aşkarlayıb.
12-14-cü səhifələrdə o, “allegro molto (italyanca “çox cəld”) qeydli si major sonatası tapıb. Sonatanın müəllifi kimi “Del Signore Giovane Wolfgango Mozart”, yəni "Gənc cənab Wolfgango Mozart” göstərilib.
(Ardı aşağıda)
“Wolfgango” Mozart-ın atasının adı idi. Araşdırmaçı kitabda oxşar imza ilə başqa musiqi əsərləri də tapıb. Müasir elm onları Mozart-ın əsərləri kimi tanıyır. Sonata isə indiyəcən elmə məlum olmayıb.
Bəstənin üslubu və səviyyəsinə görə araşdırmaçılar onun 1767-ci ildə yazıla biləcəyini güman edirlər. Yəni Mozart-ın 11 yaşı olanda. Mozart si majordan tez-tez istifadə edirdi.
Kitabın isə 18-ci əsrin sonlarında Zalzburg-da (Mozart-ın doğulduğu şəhərdə) musiqi gimnaziyasında təhsil almış, kilsə xorunda oxumuş Herrmann-Schneider-ə aidliyi aşkar edilib.
![Zibildən düzəldilmiş musiqi alətləri ansamblı [Video]](https://gdb.rferl.org/C6420F15-C535-4B6B-9939-C460E3EBF758_w100_r1.jpg)
![Zibildən düzəldilmiş musiqi alətləri ansamblı [Video]](https://gdb.rferl.org/C6420F15-C535-4B6B-9939-C460E3EBF758_w33_r1.jpg)
