-
Belə bir deyim var: bir adamın zibili o biri adam üçün xəzinədir.
Paraqvayda bu deyim gerçəyə çevrilib.
Əhalisinin çoxu kasıb olan Cateura şəhəri yaxınlığında böyük bir zibilxana yerləşir. Uşaqlarına musiqi aləti ala bilməyən valideynlər çıxış yolunu həmin zibilxanada tapıblar. Şəhərin uşaq ansamblı Mozart, Beethoven, hətta Beatles-ı ərinmiş yağ qabları, alüminium qutular və başqa tullantılardan düzəldilmiş alətlərdə ifa edirlər.
Artıq onları bütün ölkə tanıyır, hətta barələrində sənədli film də çəkilib. Facebook səhifələrinin isə 250 mindən çox fanatı var.
