13:16
13.4.2014
KİYEVDƏ TƏCİLİ TOPLANTI
Kiyevdə Ukrayna prezidentinin vəzifələrini icra edən parlamentin sədri Oleksandr Turchynov sədrliyi ilə aprelin 12-də Ukrayna Milli Təhlükəsizlik və Müdafiə Şurasının fövqəladə iclası keçirilib.
İclasda Ukraynanın şərqindəki vəziyyətin normallaşması müzakirə olunub.
Bu haqda Ali Radanın mətbuat xidməti məlumat yayıb.
Müzakirələr və qəbul olunan qərarlar haqda ətraflı məlumat verilmir.
Qeyri-rəsmi məlumatlara görə, iclasda vəziyyətin gərgin olduğu vilayətlərin qubernatorları iştirak edib. Onlar ölkənin şərqində fövqəladə vəziyyət rejiminin tətbiqinin mümkünlüyü haqda müzakirələr aparıb.
Yerli medianın məlumatına görə, müzakirələr getdiyi vaxt Maydan fəalları və sadə kiyevlilər iclasın keçirildiyi Daxili İşlər Nazirliyinin binası qarşısına toplaşıb. Onlar hökumətdən qəti tədbirlər görülməsini tələb ediblər.
14:04
13.4.2014
#Ukrayna Ukrayna ölkənin şərqində anti-terror əməliyyatına başlayır http://t.co/08GCNg0W5K via @radioazadliq
— AzadliqRadiosu (@RadioAzadliq) 13.4.2014
14:26
13.4.2014
#Ukrayna ölkənin şərqində anti-terror əməliyyatına başlayır http://t.co/08GCNg0W5K via @radioazadliq
— AzadliqRadiosu (@RadioAzadliq) 13.4.2014
14:33
13.4.2014
DONBASDA HÖKUMƏTDƏN TƏLƏB: SİLAHLILARA QARŞI TƏDBİR GÖRÜN
Donbas vətənpərvər qüvvələr komitəsi Ukrayna hökumətindən regionda silahlı adamlara qarşı qəti tədbirlər görməyi tələb edib.
Bu barədə UNİAN agentliyinə komitənin mətbuat xidmətindən məlumat verilib.
Komitə bütün siyasi tərəfləri radikal hərəkətlərdən çəkinməyə, münaqişəni dinc vasitələrlə həll etməyə çağırıb.