-
Dövlət Neft Fondu (ARDNF) Cənubi Koreyanın paytaxtı Seulda yerləşən və dəyəri 447 milyon ABŞ dolları olan «Payn Avenyu A qülləsi» ofis kompleksini alıb.
Bu barədə məlumat Fondun internet səhifəsində yerləşdirilib.
Məlumatda deyilir ki, bu, Neft Fondunun Asiya və Sakit okean hövzəsində həyata keçirdiyi bu tipli ilk investisiyadır.
«Payn Avenyu A qülləsi» Seulun biznes mərkəzində - aparıcı Koreya və beynəlxalq təşkilatların ofislərinin cəmləşdiyi ərazidə yerləşir.
Tikintisi 2011-ci ildə başa çatan binanın ümumi ərazisi 65 000 kvadratmetrdir. Xalis illik icarə haqqı 23.4 milyon ABŞ dolları təşkil edir.
Dövlət Neft Fondu 1999-cu ildə yaradılıb. 1 mart 2014-cü il tarixinə ARDNF-nin vəsaitlərinin ümumi həcmi 36 milyard 319 milyon ABŞ dolları təşkil edir.
Seulda ofis kompleksinin alınması «ARDNF-nin valyuta vəsaitlərinin saxlanılması, yerləşdirilməsi və idarə edilməsi haqqında Qaydalar»a, bu qaydalara uyğun olaraq qəbul olunmuş yeni investisiya siyasətinə əsasən həyata keçirilib.
Yeni investisiya siyasətinə əsasən, investisiya portfelinin məcmu dəyərinin 5%-ə qədəri səhmlərə, 5%-ə qədəri qızıla, eləcə də eyni həcmdə vəsaiti, yəni 5%-ə qədəri daşınmaz əmlaka investisiya edilə bilər.
Dövlət Neft Fondu (ARDNF) Cənubi Koreyanın paytaxtı Seulda yerləşən və dəyəri 447 milyon ABŞ dolları olan «Payn Avenyu A qülləsi» ofis kompleksini alıb.
Bu barədə məlumat Fondun internet səhifəsində yerləşdirilib.
Məlumatda deyilir ki, bu, Neft Fondunun Asiya və Sakit okean hövzəsində həyata keçirdiyi bu tipli ilk investisiyadır.
«Payn Avenyu A qülləsi» Seulun biznes mərkəzində - aparıcı Koreya və beynəlxalq təşkilatların ofislərinin cəmləşdiyi ərazidə yerləşir.
Tikintisi 2011-ci ildə başa çatan binanın ümumi ərazisi 65 000 kvadratmetrdir. Xalis illik icarə haqqı 23.4 milyon ABŞ dolları təşkil edir.
«Bu, əhəmiyyətli bir investisiyadır və bizim son dövrlərdə stabil gəlirlilik nümayiş etdirən Asiya daşınmaz əmlak bazarına olan etimadımızın göstəricisidir. Biz gələcəkdə də Asiya və Sakit okean hövzəsində investisiya imkanlarını dəyərləndirəcəyik» - Dövlət Neft Fondunun icraçı direktoru Şahmar Mövsümov bildirib.
Dövlət Neft Fondu 1999-cu ildə yaradılıb. 1 mart 2014-cü il tarixinə ARDNF-nin vəsaitlərinin ümumi həcmi 36 milyard 319 milyon ABŞ dolları təşkil edir.
Seulda ofis kompleksinin alınması «ARDNF-nin valyuta vəsaitlərinin saxlanılması, yerləşdirilməsi və idarə edilməsi haqqında Qaydalar»a, bu qaydalara uyğun olaraq qəbul olunmuş yeni investisiya siyasətinə əsasən həyata keçirilib.
Yeni investisiya siyasətinə əsasən, investisiya portfelinin məcmu dəyərinin 5%-ə qədəri səhmlərə, 5%-ə qədəri qızıla, eləcə də eyni həcmdə vəsaiti, yəni 5%-ə qədəri daşınmaz əmlaka investisiya edilə bilər.
