"Komandirləri deyir intihar edib, amma güllə oğlumun kürəyindən girib ürəyindən çıxıb"

Sentyabrn 13-də Şəmkir Ordu Korpusunun Tovuzdakı hərbi hissələrindən birində xidmət çəkən manqa komandiri Anar Əsgərov vəfat edib. Əvvəlcə ailəsinə zəng edərək Anarın yaralı olduğunu, özlərini tez hərbi hissəyə çatdırmalı olduqlarını deyiblər. Daha sonra meyit tibbi ekspertizadan keçirmək üçün Gəncəyə göndərilib. Ailəsi də meyiti Gəncədə təhvil alıb, elə burada ailəsinə əsgərin intihar etdiyini bildiriblər. Əsgərin atası Dağıstan Əsgərov oğlunun intihar etməsinə inanmadığını, ölümünə səbəb olan güllənin kürəyindən girib ürəyindən çıxdığını deyir