Keçid linkləri

logo-print
2016, 04 Dekabr, bazar, Bakı vaxtı 12:34
-
İctimai Televiziya və Radio Yayımları Şirkəti 2014-cü ildən sonra da dövlət büdcəsindən maliyyələşə biləcək.

Bu, Prezident İlham Əliyevin «İctimai televiziya və radio yayımı haqqında» qanuna etdiyi dəyişiklikdən sonra mümkün olur. Prezident bu dəyişiklikləri bu il iyunun 29-da imzalayıb. Amma sənəd sentyabrın 7-də «AzərTAc» rəsmi informasiya agentliyindən elan edilib.

Buna qədər qüvvədə olan qanunda 2014-cü il yanvarın 1-dən bu şirkətin maliyyə mənbələri sırasında dövlət büdcəsindən ayırmalar nəzərdə tutulmurdu. Yeni dəyişiklikdə artıq şirkətin maliyyə mənbələri sırasında dövlət büdcəsindən ayırmalar da qeyd edilir.

Başqa bir dəyişikliyə görə, İTV xarici ölkələrin bədii, sənədli və cizgi filmlərini Azərbaycan dilində yazılmış subtitrlə də verə bilər. Amma belə subtitrlə yayılan verilişlərin həcminə məhdudiyyət qoyulur və həmin məhdudiyyəti müvafiq dövlət orqanı müəyyən edir.

Ölkədə fəaliyyət göstərən özəl telekanallara xarici filmləri subtitrlə yaymaq hüququ verilmir, onlar həmin filmləri yalnız dublyajla verə bilərlər.

Qanuna edilən başqa bir düzəlişə əsasən, İctimai Televiziyanın Yayım Şurasının səlahiyyətlərindən biri əlindən alınır. Bundan sonra həmin telekanalda baş redaktorları vəzifəyə Şura üzvləri təsdiq etməyəcəklər.

Günün bütün mövzuları

Şərhləri göstər

XS
SM
MD
LG