Keçid linkləri

2016, 11 Dekabr, bazar, Bakı vaxtı 18:20

«Sərhədsiz Reportyorlar» 2 azərbaycanlı şairlə bağlı İrandan açıqlama istəyir


Fərid Hüseyn və Şəhriyar Hacızadə

Fərid Hüseyn və Şəhriyar Hacızadə

«Sərhədsiz Reportyorlar» təşkilatı İran hakimiyyətini mayın 2-də bu ölkədə itkin düşmüş iki gənc azərbaycanlı yazar Fərid HüseynŞəhriyar Hacızadə (Şəhriyar del Gerani) ilə bağlı baş verənlərə aydınlıq gətirməyə çağırıb. Onların hər ikisi Tehrandan Təbrizə gələn kimi saxlanıblar.

«Biz narahatıq. İran hakimiyyəti F.Hüseyn və Ş.Hacızadə ilə bağlı duruma aydınlıq gətirməlidir. Biz onların niyə tutulması və 20 gündən artıq saxlanması ilə bağlı açıqlama verilməsini tələb edirik», - bəyanatda vurğulanır.

Gənc yazarların Azərbaycan KİV-də və sosial şəbəkələrdə mədəniyyət, sosial, dil və digər mövzularda yazıları dərc olunur. Onlar iranlı yazıçı Bəhram Sürgünün dəvətilə bu ölkəyə kitab təqdimatına gediblər. Aprelin 29-da Tehranda təqdimat mərasimində iştirak ediblər, mayın 1-də Təbrizə gediblər.

«Sərhədsiz Reportyorlar» bildirir ki, Azərbaycan hakimiyyəti İran və iranyönlü KİV-də çalışan iki jurnalisti - Anar Bayramlı və Ramin Bayramovu həbs edib. A.Bayramlı «Səhər» telekanalının, digəri isə İslamazeri.az saytının əməkdaşıdır.

Telekanalın sürücüsü Ramil Dadaşov da həbs edilib, 3 aydan sonra buraxılıb.

Bəyanatda bildirilir ki, «hər iki ölkə jurnalistlərin girov götürülməsinə son qoymalı, bir-birinə təzyiq üçün onlardan istifadə etməməlidir».

Günün bütün mövzuları

Şərhləri göstər

XS
SM
MD
LG