Bakının Rusiya prezidenti Dmitri Medvedevin Qarabağ münaqişəsinin həllinə dair təklifinə cavabını Azərbaycanın Xarici İşlər naziri Elmar Məmmədyarov Moskvaya səfərində çatdıracaq.
Bunu jurnalistlərə ATƏT-in Minsk Qrupunun rusiyalı həmsədri İqor Popov deyib:
«Biz rəsmi Bakının prezident Medvedevin təklifinə cavabını Azərbaycan XİN rəhbərinin çatdıracağını gözləyirik».
Rusiyanın Xarici İşlər naziri S. Lavrov iyunun 7-də və 8-də Azərbaycan və Ermənistanın prezidentlərinə çatdırıb. Rəsmi Bakı hazırda həmin məktubda yer alan təklifləri öyrənir. Bu barədə jurnalistlərə bir müddət əvvəl Azərbaycanın Xarici İşlər naziri Elmar Məmmədyarov deyib:
«Biz prezident Medvedevin təklifini diqqətlə öyrənirik və onunla tam tanış olduqdan sonra öz cavabımızı təqdim edəcəyik».
E. Məmmədyarov iyulun 17-18-də Moskvaya rəsmi səfər edəcək.
Ermənistan da Rusiya prezidentinə yaxın vaxtlarda cavab verəcəyini bildirib. Hələlik Mededevin təkliflərinin mahiyyəti haqqında məlumat verilmir.
