Keçid linkləri

logo-print
2016, 03 Dekabr, şənbə, Bakı vaxtı 08:49
Eynulla Fətullayev bu gündən başlayaraq sentyabrın 1-ə kimi hər gün Bakı Apelyasiya Məhkəməsinə gedib-gələcək. Bu barədə Bakı Apelyasiya Məhkəməsinin avqustun 26-da keçirilən hazırlıq iclasında qərar çıxarılıb.

Eynulla Fətullayev həmin müddət ərzində narkotik maddə ittihamı ilə bağlı Qaradağ Rayon Məhkəməsində gedən iclasların 30 səhifədən ibarət protokollarını oxuyacaq.

Sentyabrın 2-də isə məhkəmə prosesi olacaq.

«Gündəlik Azərbaycan» və «Realnıy Azerbaydjan» qəzetlərinin təsisçisi və baş redaktoru Eynulla Fətullayevin apelyasiya şikayətində ona bəraət verilməsi və dəymiş ziyana görə kompensasiya ödənilməsi tələb edir.

2007-ci ildə terrorla hədələmə, milli ədavəti qızışdırma və vergidən yayınmaqda ittiham olunaraq 8 il yarım azadlıqdan məhrum edilən Eynulla Fətullayevə 2009-cu ilin dekabrında narkotik maddə saxlama ittihamı ilə daha bir cinayət işi açılıb.

Bu ittihamla jurnalist bu ilin iyun ayında 2 il 6 ay müddətinə azadlıqdan məhrum edilib.

Bu il aprelin 22-də Avropa İnsan Haqları Məhkəməsi Eynulla Fətullayevin dərhal azadlığa buraxılması və dəymiş ziyana görə jurnalistə 25 min avro kompensasiya ödənilməsi haqqında qərar qəbul edib.

Azərbaycan hakimiyyəti isə Avropa İnsan Haqları Məhkəməsinin qərarından Böyük Palataya şikayət edib.

Günün bütün mövzuları

Şərhləri göstər

XS
SM
MD
LG