Keçid linkləri

logo-print
2016, 03 Dekabr, şənbə, Bakı vaxtı 15:51

Şimali Koreya futbolçularını rejim belə cəzalandırdı


Şimali Koreya yığmasından Ji Yun Braziliya ilə oyunda sevinsə də Portuqaliya oyunda məğlubiyyətə görə təhqirlərdən yaxa qurtara bilmədi

Şimali Koreya yığmasından Ji Yun Braziliya ilə oyunda sevinsə də Portuqaliya oyunda məğlubiyyətə görə təhqirlərdən yaxa qurtara bilmədi

Cənubi Afrikadan məğlubiyyətlə dönən Şimali Koreya futbol yığmasını Xalq Mədəniyyət Sarayının səhnəsinə çıxararaq onlara məhkəmı qurublar. Zalda ön cərgədə İdman naziri olmaqla 400 nəfər dövlət işçisi, tələbə və jurnalistlər olublar.

Britaniyanın “Telegraph” qəzeti Azad Asiya radiosu və Cənubi Koreya mətbuatına istinadla yazır ki, Cənubi Afrikada 3 oyunun 3-nü də məğlub olan futbolçuları ideoloji düşmənçilikdə ittiham ediblər.

Komandanın baş məşqçisi Kim Jong-Hunu Koreya İşçi Partiyasının üzvlüyündən xaric etdikdən sonra onu tikintidə fəhləliyə məhkum ediblər.

Baş məşqçiyə yönələn ittihamlardan biri də Şimali Koreyanın Ali liderinin oğlanlarına və başqa varislərinə xəyanət etmək olub.

Şimalı Koreya millisinin yalnız iki futbolçusunu bu təhqirlərdən canını qurtara bilib. Onlar Yaponiyada doğulmuş Jong Tae-se və çempionatdan sonra Yaponiyaya dönmüş An Yong-hakdır.

1966-cı ildən bu yana ilk dəfə futbol üzrə Dünya Çempionatına qatılan Şimali Koreya yığması keçən ay Cənubi Afrikada keçirilən dünya çempionatının ilk mərhələsini uğursuz keçirərərk öz qrupunda sonucu yer tutmuşdu.

Turnirə kifayət qədər inamla başlayan Şimali Koreya (Braziliya ilə bərabər oyunda cəmi 1-2 hesabı ilə məğlub oldu) onu biabırçı məğlubiyyətlə başa vurdanda (Portuqaliya millisinə 0-7 hesabıyla uduzdu) çoxlarında belə bir sual doğmuşdu ki, futbolçuların aqibəti necə olacaq.

Cənubi Koreya mediası yazır ki, futbolçular canlarını hələ nisbətən yüngül qurtarıblar. Çünki Şimali Koreyaya məğlub qismində dönən başqa idmançıların cəzaları daha ağır olub, məsələn atletlər və onların məşqçilərini əsir düşərgələrinə göndərirlərmiş.

Günün bütün mövzuları

Şərhləri göstər

XS
SM
MD
LG