Keçid linkləri

2024, 26 Aprel, Cümə, Bakı vaxtı 22:48

«ABŞ Cənub Dəhlizinin açılmasına güclü dəstək verir»


Cənub Dəhlizi qaz layihəsinin xəritəsi
Cənub Dəhlizi qaz layihəsinin xəritəsi
«ABŞ Xəzər regionundan olan təbii qazı Avropaya daşıyacaq Cənub Dəhlizinin açılmasına güclü dəstək verir. Bu dəhliz Qafqaz və Mərkəzi Asiya ölkələri üçün kommersiya cəhətdən sərfəli olmaqla, Avropa ilə qarşılıqlı maraqlar üzərində uzunmüddətli tərəfdaşlıq qurmağa imkanlar yaradır».

BŞ Dövlət Departamentinin Avrasiya enerji məsələləri üzrə xüsusi elçisi Riçard Morninqstar iyunun 2-də Bakıda keçirilən Xəzər Neft və Qaz Konfransında çıxışı zamanı belə deyib.

O bildirib ki, Cənub Dəhlizi, ondan bəhrələnəcək ölkələrin, qazın kommersiya şərtləri barədə razılığa gəlmədən reallığa çevrilə bilməz, çünki dəhliz üçün qaz yalnız bu müqavilə şərtləri əsasında ixrac oluna bilər:

«Biz «Şahdəniz» qazının alınması və tranziti ilə bağlı Türkiyə və Azərbaycan arasında keçirilən son danışıqlarda əldə olunan irəliləyişləri alqışlayırıq. Biz ümid edirik ki, hər iki tərəf bu yaxınlarda birgə razılığa gələcək. Bu isə bizi əmin edir ki, Cənub Dəhlizi konsepsiyası realığa çevriləcək».

Cənab Morninqstar bildirib ki, ABŞ Türkmənistanın Cənub Dəhlizində iştirakını alqışlayar:

«İraq da öz növbəsində Cənub Dəhlizinə qaz ixrac etmək niyyətini bildirib, amma biz hesab edirik ki, bu proses həmin ölkənin hərtərəfli enerji strategiyasının bir hissəsi olmalı və mərkəzi hökümət tərəfindən dəstəklənməlidir. Bizim İran ilə bağlı mövqeyimiz dəyişməz olaraq qalır. Biz İranın nüvə proqramı ilə bağlı beynəlxalq səviyyədə cəhdlərin davam etdirilməsi fonunda İran rəhbərliyinin mövcud yanaşmasını nəzərə alaraq, bu ölkəni Cənub Dəhlizində görmürük».

Cənub Dəhlizi «Nabucco», İtaliya-Türkiyə-Yunanıstan və ehtimal olaraq, Trans-Adriatik qaz kəmərlərini özündə ehtiva edir.
XS
SM
MD
LG