«Türkiyə-Ermənistan danışıqları doğrudan da bizi narahat edən məsələdir. Türkiyə tərəfi dəfələrlə rəsmi münasibət bildirib. Ancaq açığı bu məsələ ilə bağlı məndə müəyyən narahatçılıq olub. Bu narahatçılıq bu gün də var».
Bunu vitse-spiker Ziyafət Əsgərov sentyabrın 30-da - Milli Məclisin payız sessiyasının ilk iclasında deputatlar Türkiyə Ermənistan danışıqlarının gedişindən narahat olduqlarını bildirdikdə deyib.
Deputat Zahid Oruc hesab edir ki, Türkiyə tərəfdən verilən rahatlayıcı bəyanatlara baxmayaraq paralel şəkildə oktyabrın 10-a çox ciddi hazırlıqlar gedir:
«Bu baş verərsə regionda Azərbaycanın milli və təhlükəsizlik maraqlarına mənfi təsir göstərən proseslər cərəyan edə bilər. Ona görə də Türkiyə Ermənistanla imzalayacağı sənəddən əvvəl Azərbaycanla yol xəritəsi imzalamalıdır. Və Türkiyənin istənilən iqtidarı bilməlidir ki, onun atacağı addımların dəqiq çərçivəsi var».
Oktyabrın 10-da Türkiyə ilə Ermənistan arasında ikitərəfli münasibətlərə dair protokollar imzalanmalıdır. Qarşılıqlı əlaqələrin inkişafına dair protokol qüvvəyə minəndən 2 ay sonra isə Türkiyə-Ermənistan sərhədlərinin açılması nəzərdə tutulur.
Ziyafət Əsgərov hesab edir ki, həmin vaxt Türkiyə Azərbaycanın maraqlarını, o cümlədən də özünün milli maraqlarını nəzərə almalıdır:
«İstərdim ki, Türkiyə tərəfdən indiyəcən verilən bəyanatların səmimiliyinə inanım. Görək nə olur».
Ankara-Yerevan yaxınlaşması Bakını narahat edir
Buna da bax:
AzadlıqRadiosu Jurnalistika üzrə Təqaüd Proqramı elan edir
AzadlıqRadiosunu Rusiya hökuməti "arzuolunmaz təşkilat" elan edib
Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.
Ətraflı məlumat üçün bura klikləyin.
Azadlıq Trend
1