Keçid linkləri

2016, 07 Dekabr, çərşənbə, Bakı vaxtı 13:01

Generalın qətli ilə bağlı birgə əməliyyat-istintaq qrupu yaradılıb


Rail Rzayev 2009-cu il fevralın 11-də xidməti avtomobilində odlu silahdan açılmış atəşlə qətlə yetirilib

Rail Rzayev 2009-cu il fevralın 11-də xidməti avtomobilində odlu silahdan açılmış atəşlə qətlə yetirilib

Baş Prokurorluq, Daxili İşlər və Milli Təhlükəsizlik Nazirlikləri Azərbaycan Müdafiə Nazirliyi Hərbi Hava Qüvvələrinin və Hava Hücumundan Müdafiə Qoşunlarının komandanı, general-leytenant Rail Rzayevin qətli ilə bağlı rəsmi açıqlama verib.

Baş Prokurorluğun mətbuat xidməti xəbər verir ki, Rail Rzayev 2009-cu il fevralın 11-də, saat 7:30 radələrində, Bakı şəhəri Yasamal rayonunun İsmayıl bəy Qutqaşınlı küçəsindəki 172 nömrəli orta məktəbin yaxınlığında xidməti avtomobilində odlu silahdan açılmış atəşlə qətlə yetirilib.

Faktla bağlı Azərbaycan Cinayət Məcəlləsinin 120.1-ci (qəsdən adam öldürmə) və 228-ci (qanunsuz silah saxlama) maddələri ilə cinayət işi başlanıb.

Baş vermiş ağır cinayət hadisəsi ilə bağlı hüquq mühafizə orqanları rəhbərlərinin iştirakı ilə Azərbaycan Prezidenti İlham Əliyevin yanında iclas keçirilib və işin istintaqı ölkə başçısı tərəfindən nəzarətə götürülüb.

Baş Prokurorluğu, Daxili İşlər və Milli Təhlükəsizlik nazirliklərinin peşəkar əməkdaşlarından ibarət əməliyyat-istintaq qrupu yaradılıb. Cinayətin açılması və onu törədənlərin müəyyən edilib tutulması istiqamətində intensiv əməliyyat-axtarış tədbirləri və istintaq hərəkətləri həyata keçirilir.

Günün bütün mövzuları

XS
SM
MD
LG