Yerevanda polis idarəsini zəbt etmiş silahlılarla həmrəylik yürüşü keçirən etirazçılar polis səddini qırıblar.
Bu xəbəri yayan RBK-nın məlumatında deyilir ki, nümayişçilər zəbt olunmuş binaya yaxınlaşmağa cəhd göstərirdilər.
İnterfax-ın xəbərində isə deyilir ki, sayları təxminən 2 min olan yürüşçülər zəbt olunmuş binaya doğru hərəkət ediblər.
Yerevan polisinin rəis müavini Valeri Osipyan nümayişçilərə xəbərdarlıq edib ki, silahlılar tərəfindən zəbt edilmiş binaya yaxınlaşmağa cəhd göstərməsinlər, çünki orada hazırda “xüsusi əməliyyat” aparılır.
