Keçid linkləri

2024, 28 Mart, Cümə axşamı, Bakı vaxtı 18:52

«Mauqlinin Yeni ili» gəlir...


Gənc Tamaşaçılar Teatrı
Gənc Tamaşaçılar Teatrı

-

Dövlət Gənc Tamaşaçılar Teatrında Yeni il tamaşasının məşqlərinə başlanılıb.

Teatrdan AzadlıqRadiosuna verilən xəbərə görə,teatr Yeni il ərəfəsində gənc yazar Pərvin Nurəliyevanın səhnələşdirdiyi «Mauqli» pyesi əsasında «Mauqlinin Yeni ili» tamaşasını azyaşlı izləyicilərinə təqdim edəcək.

Balacaların sevimli nağıl personajı olan Mauqlinin Yeni il sərgüzəştlərindən bəhs edən tamaşanın quruluşçu rejissoru Nicat Kazımov, quruluşçu rəssamı Elşən Sərxanoğlu, musiqi tərtibatçısı Zaur Rəşidovdur.

Tamaşada obrazları Zaur Əliyev (Dövlət Musiqili Teatrı), Mirzəağa Mirzəyev, Zülfiyyə Alhüseynova, Səbinə Məmmədova, Aydın Dəmirov, Eşqin Quliyev, Elgün Yəhyayev, Vahid Orucoğlu, Elnur Əliyev, Anar Seyfullayev, Elşən Şıxəliyev, Rəşad Səfərov, Müşfiq Əliyev, Anar Səfiyev, Bəhram Həsənov ifa edəcəklər.

Yeni tamaşa ilə yanaşı, hər il olduğu kimi, şənlik iştirakçılarını Şaxta baba və Qar qız qarşılayıb, teatrın Yeni il bayramı üçün bəzədilmiş foyesində digər nağıl qəhrəmanlarının iştirakı ilə xüsusi hazırlanmış Yeni il proqramına dəvət edəcək.

Maraqlı auksionlar, hədiyyəli oyunların ardınca balaca tamaşaçılar teatrın salonunda «Mauqlinin yeni ili»ni izləyəcəklər.

Sürprizlərlə zəngin əyləncəli bayram proqramı və yeni tamaşa dekabrın 25-dən 2016-cı il yanvarın 4-dək saat 12.00, 14.00, 16.00 və 18.00-də nümayiş olunacaq.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG