Keçid linkləri

2024, 28 Mart, Cümə axşamı, Bakı vaxtı 14:42

Meşədə bir həftə itkin düşən uşaq sağ-salamat tapıldı


Yamato Tanuka
Yamato Tanuka

Bir həftə bundan əvvəl Yaponiyanın Hokkaydo adasında itkin düşən 7 yaşlı Yamato Tanuka sağ-salamat tapılıb.

Bir həftə bundan əvvəl Yaponiyanın Hokkaydo adasında itkin düşən 7 yaşlı Yamato Tanuka sağ-salamat tapılıb.

Yamato Yaponiyanın Özünümüdafiə Qüvvələrinin əsgərləri tərəfindən hərbiyyənin Kamaqatame hərbi poliqonunun ərazisində aşkar edilib.

Hokkaydo polisi bildirir ki, uşaqda heç bir xəsarət əlaməti yoxdur.

Yaponiya mətbuatı yazır ki, qalın meşəlikdə altı gün axtarıldıqdan sonra Yamato Tanukanın tapılmasına bütün ümidlər azalmışdı və onun axtarışlarının intensivliyi bu gün məhdudlaşdırılmalıydı.

Nanaye şəhərindəki yanğınsöndürmə idarəsinin sözçüsü deyib ki, uşağın axtarışında hərbçilər də daxil 200 nəfərlik xilasedici dəstəsi iştirak edirdi.

Hakimiyyət orqanları bildiriblər ki, uşaq tapılanda axtarış qrupunun sayı və axtarışın miqyası artıq azaldılmışdı.

"Cəza"

Yamato Tanuka ötən şənbə günü meşədən keçən yolun kənarından yoxa çıxmışdı.

Valideynləri uşağı, yoldan ötən maşınlara daş atdığına görə cəzalandırmaq məqsədilə onu qısa müddətdə meşədə tək buraxmış, lakin qayıdıb gələndə Yamatonu tapmamışdılar.

Hakimiyyət orqanları bildiriblər ki, uşağın atası əvvəlcə onun tərəvəz yığmaq üçün getdiyini söyləsə də, sonradan həqiqəti açmışdı.

Hələlik bu 6 gün ərzində uşağın meşədə nə etdiyi və necə salamat qaldığı barədə məlumat verilməyib.

Yaponiya mətbuatı yazır ki, Tanukanın oxuduğu Hokuto şəhər ibtidai məktəbi onun salamatlığı üçün dua edirmiş.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG