ABŞ Nümayəndələr palatasının Demokrat partiyasından olan iki üzvü Brad Sherman və Al Green prezident Donald Trump-a qarşı impiçment məsələsini qaldırılmasını təklif ediblər.
Bu barədə iyulun 13-də Azadlıq Radiosunun Rusiya xidməti və RİA Novosti məlumat yayıb.
Sherman deyib ki, Donald Trump qanunu kobud şəkildə pozub, ötən il prezident seçkisiqabağı kampaniyalar zamanı “Rusiya izlərini” araşdıran Federal Təhqiqat Bürosu-nun direktoru James Comey-i istefaya göndərməklə ədalətin üzə çıxmasını əngəlləyib.
Onların fikrincə Trump prezident andını pozub və məhz vəzifə səlahiyyətlərindən istifadə edərək Rusiyanın seçkiyə qarşıması ilə bağlı istintaqı təzyiq gəstərib.
Konqresmenlər hesab edir ki, James Comey məhz buna görə istefaya göndərilib.
Qeyd edək ki, bu Trumpın səlahiyyətlərinin vaxtındanəvvəl dayandırılması ilə bağlı ilk deputat təşəbbüsüdür.
Amma mənbə yazır ki, demokratların rəhbərliyi hesab edir ki, hələlik impiçmentin vaxtı yetişməyib, çünki onu aşağı palatanın əksəriyyəti təsdiqləməlidir, Respublikaçılar-ınsa bu gün orda 46 səs çoxluğu var.
Müxalifətsə Konqresə alternativ kimi, seçkiqabağı kompaniyalar zamanı Trump-ın komandası ilə Kreml arasında sövdələşmə olub-olmamasını aydınlaşdırmaq üçün müstəqil komisiya yaratmağı təklif edir.
Ağ evin nümayəndəsi Sara Hakabi Sanders demokrat deputatların impiçment təklifini axmaqlıq və pis formada siyasətbazlıq adlandırıb.