Keçid linkləri

2024, 29 Mart, Cümə, Bakı vaxtı 12:23

Bir həftədə 19 fəal həbs edilib


Bakı, aksiyaçını polis tutub aparır, 2 aprel 2011
Bakı, aksiyaçını polis tutub aparır, 2 aprel 2011

Son bir həftə ərzində azı 19 ictimai-siyasi fəal şəxs - siyasi partiya üzvləri, jurnalistlər, dini fəallar həbs edilib.

Bu haqda hüquq müdafiəçisi Oktay Gülalıyev məlumat verib.

Onun sözlərinə görə, həbs olunanlara ya cinayət işi açılıb, ya da inzibati məsuliyyətə cəlb olunublar.

Buna da bax: 'Azərbaycan polisi bacılarımı, körpəni polisə aparır, İlham Əliyevsə...'

10 cəbhəçi…

“Azərbaycan Xalq Cənhəsi Partiyasının son bir həftədə azı 10 üzvü həbs edilib. Jurnalist Elçin İsmayıllıya cinayət işi açılaraq barəsində həbs qətimkan tədbiri seçilib. Partiyanın fəallarından Elnur Fərəcova da Neftçalada cinayət işi açıblar. Digər fəallar İslam Həsənov, Samir Həsənov, Taleh İsakov, Amil Məmmədzadə, Fərasət Əhmədov, Elvin Bəhramov, Vasif Müzəffərov isə müxtəlif müddətə inzibati cəzaya məhkum ediliblər”, hüquq müdafiəçisi bildirib.

Orduxan Teymurxan
Orduxan Teymurxan

Bundan başqa ReAl hərəkatının fəalı Rahim Şalıyev, D18 təşkilatının üzvü Qadir Ağakişiyev, Müsavat Partiyası fəalı Yusif Qarayev, eləcə də xaricdə yaşayan tənqidçi blogger Orduxan Teymurxanın qardaşı Xanlar Dadaşov və bacısı oğlu Səbuhi Zeynalov inzibati qaydada həbs ediliblər.

Masallıda 4 dindara inzibati cəza verilib

Son bir həftədə həbsə məhkum edilən digər şəxslər Masallı dindarlarıdır. Masallı şəhər Cümə məscidinin imamı Sərdar Hacıhəsənliyə cinayət işi açılıb.

Buna da bax: "Həbslər də monopoliya kimi idarəçilik üsuludur"

Hüquq müdafiəçisi S.Hacıhəsənlinin həbsinə etiraz edən bir qrup tərəfdarının da həbs olunduğunu xəbər verib.

“Bu haqda ictimaiyyət bilgili deyildi. S.Hacıhəsənlinin həbsinə dinc qaydada etiraz edən 4 nəfər Masallıda həbs olunub. Bunlar Məhəmməd Həbibov, Salman Rəhimov, Fizuli Şahhüseynov və İmadəddin Məhərrəmovdur. Masallı Məhkəməsi onların barəsində müxtəlif müddətə inzibati həbs qərarı verib”, hüquq müdafiəçisi deyib.

Azərbaycan rəsmiləri ölkədə siyasi plüarizmin olduğunu və kiminsə siyasi fəaliyyətinə görə təqib edilmədiyini bildirirlər.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG